LEWE NA APARTHEID: LIDMATE SE NARRATIEWE VANUIT 'N ...

Bylaag 3: Gesprek 3 (27 Augustus 1998)
p448
730
731
732
733
734
735
736
737
738
739
740
741
742
743
744
745
746
747
748
749
750
751
752
753
754
755
756
757
758
759
760
761
762
763
764
765
766
kriminele. My bediende sê vir my in Thabong word daar elke naweek omtrent drie of
vier mense doodgemaak. Ons steur ons net nie daaraan nie, dit pla ons nie. Maar dat
daar nou 'n wit boer doodgeskiet word, of 'n wit mens doodgemaak word, dan is dit op
die voorblaaie van die koerante vir weke lank en dis op die nuus elke dag. So die
mense beleef nog steeds die storie dat ons onsself sien as superieur.
Mike: Ek kan nou ongelukkig nie saamstem nie. Laat ek jou vertel. Laat daar 'n swart
vrou vandag in Welkom vermoor word deur 'n blanke man, en kyk wat gebeur dan. Jy
praat van hoe word tientalle in Thabong vermoor; hulle word deur hulle eie mense
vermoor. Daai swartes wat gebel het oor die bomontploffing, as daar een van sy
familielede daarin dood was, was dit 'n ander saak. Ons kan ook nie sê daar word 'n
bohaai gemaak as 'n boer doodgemaak word nie, daar word dink ek twaalf boere word
elke maand vermoor. Hoeveel swartmense word deur blankes doodgemaak vanaand.
Hanlie: Ons kom maar net nie weg van kleur af in hierdie land nie.
Mike. Dit is absoluut wat ek sê.
Elsa: Ons bly dink in terme van wit en swart. Ons dink nie aan mense nie.
Mike: Hier skryf Tutu homself dat die blankes kan nie net sê hulle is jammer nie, hulle
moet sê maar. Hoeveel van daai swartes wat al vermoor het, het al gesê, sorry ek is
jammer, en hulle sê nie ook maar nie? Ek dink ons moet dit nie uit verband ruk nie. Ek
sê rassisme is verkeerd. Dit is absoluut uit. Maar ek sê ook moenie nou die blanke
maak asof hy die enigste een is wat altyd 'n rassis wil bly die res van sy lewe nie. Dis
onwaar.
Hanlie: Kom ons haal nou die woordjie blank en swart uit ons sinne uit, ons mag dit
glad nie gebruik nie. Dan sou jy nou sê die persoon van Thabong voel dat daar 'n
bohaai gemaak word as die persoon van Colesberg dood is, maar terwyl in Thabong
baie mense sterf, word daar nie 'n bohaai oor gemaak nie.
Naomi: Dit is die mense van Thabong wat hulle eie mense doodmaak.
Johan: Dan ontken jy die verskil tussen mense. Dat ons 'n eie taal het, dat ons almal
verskillend is; nie beter as die ander een nie…