LEWE NA APARTHEID: LIDMATE SE NARRATIEWE VANUIT 'N ...

Hoofstuk 1: Apartheid onder die loep geneem
p29
lei: die kernbom, industrialisasie, gepaardgaande ekologiese vernietiging” (Van der
Walt 2006:elektroniese bron).
9.1.2 Postmodernisme / postmoderniteit
Diegene met ʼn méér radikale sienswyse verstaan die postmodernisme as 'n “totale
chronologiese en ideologiese breuk met die vorige paradigma...” (Van Aarde
2004a:1107). Uit Janse van Rensburg (2000:39ev) se kritiek op Van Aarde, Steenkamp
en Dill, asook sy latere kritiek (Janse van Rensburg 2007) op Van den Berg, blyk dit dat
sy kritiek gerig is op só 'n radikale verstaan van die term postmodernisme.
Meer gematigde voorstaanders voer aan dat 'n kritiese dialoog met die moderne
paradigma moontlik is. “Postmodernism is in no way trans- or anti-modern... I thus
interpret postmodernism as reflection on the nature, potential, shortcomings and darker
sides of modernity” (Lötter 1995:37). Ook Rossouw (1995b:76) beskou dit so as hy die
postmoderne kultuur noem die “critical companion” van die moderne kultuur. Hy verkies
ook, nes Van Aarde (2004b:505), om eerder te praat van “postmoderniteit” as
beskrywende term vir diegene met 'n meer gematigde benadering.
Postmoderniteit word gekenmerk deur 'n kritiese ingesteldheid. Niks word sonder meer
aanvaar nie en alle waarheidsaansprake word bevraagteken (Van Aarde 2004b:519).
Verder is die postmoderniteit baie sensitief vir die “power-conviction in any absolute
truths” (Terre Blanche 1997:155).
Om die postmodernisme in sy volle omvang te aanvaar as paradigma vir die praktiese
teologie sou 'n onhoudbare situasie teweegbring, soos Janse van Rensburg (2000)
aantoon. As ons egter Van Aarde (2004b:505) se uitgangspunt aanvaar dat die
postmoderniteit nie 'n “totale alternatiewe denksisteem” is nie, maar 'n sisteem wat
“transversaal” ten opsigte van die moderniteit kan staan, maak dit baie deure oop. Dan
neem dit “selektief afskeid van die slegte gewoontes en onaanvaarbare waardes van
die moderne paradigma” (Van Aarde 2004b:505). Presies hoe lyk hierdie postmoderniteit
as paradigma vir hierdie navorsing?
Postmoderniteit het nie net 'n enkelvoudige beeld nie en vertoon verskillende gestaltes.
Die woord (en die verwante vorm postmodernisme wat dikwels as sinoniem gebruik