LEWE NA APARTHEID: LIDMATE SE NARRATIEWE VANUIT 'N ...

Bylaag 2: Gesprek 2 (13 Augustus 1998)
p425
586
587
588
589
590
591
592
593
594
595
596
597
598
599
600
601
602
603
604
605
606
607
608
609
610
611
612
613
614
615
616
617
618
619
620
621
622
sluit ek apartheid en al die gebeure in, want 70% christene moet 'n hengse verskil
maak.
Naomi: Op 'n stadium, hier in 1987, 1988 toe die jeug begin het met hulle opstande,
het 'n swart vrou saam met wie ek gewerk het in die kliniek, het sy gesê dat hulle kan
nie verstaan en dink waar kom hierdie groep vandaan wat al hierdie probleme
veroorsaak nie, om dit te verander sal hulle hierdie nuwe jeug moet uitwis en 'n nuwe
een moet begin. En dit was 'n swart ma wat dit gesê het.
Hanlie: Dit is weer die magsposisie aan die leiers van die ANC wat weereens die
massa gebruik het om die doel te bereik het, en hulle teiken op die jeug.
Isak: Wat vir my goed is, saam met al die emosies en skuldgevoelens en goed, van
alles wat ons ervaar, skielik het ons nou die geleentheid om die swartmense,
bruinmense, Indiërs, kleurlinge op gelyke vlak te hanteer. Waar ek met hulle werk is jy
nie meer 'n baas en klaas verhouding nie, dit is nou ek en jy. Ek is meneer en jy is
meneer op sekere vlakke en jy kan van hulle verwag om nou dieselfde
verantwoordelikheid te aanvaar. Dis 'n hele stuk bevryding, daar is 'n stuk humor ook in
wat jy moet waardeer. Ek was verlede week in Midrand gewees vir 'n konferensie
gewees, 'n swart man het saam met my gery het is Afrikaans en Engels. Toe is daar sit
was daar verskeie voordragte, een was 'n bruin vrou van die Kaap, op die program is
sy aangedui as miss Papier maar sy word toe voorgestel as miss Joy Papyer. En die
man langs my sê "dis papier man, dis my mense, ek weet mos, watse Papyer is dit".
Tussen ons is daar geen ras meer nie, geen verskil nie, ons kommunikeer met mekaar,
ons is op dieselfde vlak. In dit alles sien ek 'n hele klomp bevryding. Dis nie nodig vir
my om sensitief te wees nie, want ons ervaar dieselfde. Ek kan teenoor hom optree
soos teenoor enige ander mens.
Albert: Jy kan teenoor hom optree soos teenoor enige ander mens.
Isak: En daar is baie ander swart mense ook. Dis miskien die mees positiewe van die
hele omswaai.
Ben: Die naweek in Bloemfontein vertel 'n vrou vir my, haar ma bly in Winburg, daar is
vreeslik ongelukkigheid daar gewees, in die kinderhuis was daar toe 'n swartetjie, toe
gaan vra die kinderhuis vir die dominee of kan hulle dié swartetjies kerk toe stuur vir
die Sondagskool en die kerk. Toe sê die dominee ja, en hulle doen dit toe, en daar is