LEWE NA APARTHEID: LIDMATE SE NARRATIEWE VANUIT 'N ...

Bylaag 1: Gesprek 1 (30 Julie 1998)
p394
220
221
222
223
224
225
226
227
228
229
230
231
232
233
234
235
236
237
238
239
240
241
242
243
244
245
246
247
248
249
250
251
252
253
254
255
256
Albert: Die gedagte van vertroulikheid. As ek iets hier sê, dan bly dit hier binne. Ek dink
ons sou almal kon saamstem daarmee. Nog?
George: Ek wil aansluit by wat Elsa gesê het oor eie opinie. Ek dink nie 'n mens moet
huiwer om jou gevoel rondom iets wat sy nou sou ophaal ook te opper nie, want in dié
proses kan ons ook die een by die ander leer. So ek dink nie ons moet enige inhibisies
daaroor hê nie om van die ander een te verskil nie. Dit hoef nie noodwendig nie... dit
gaan nie op 'n konflik uitloop nie. Ek weet nie of ek myself nou reg oordra nie.
Albert: Ek hoor wat jy sê: dat as iemand sê dit is so en jy dink dit is anders, dan moet jy
nou nie dink, nee maar net nou maar is ek weer dwars nie. Sê wat jy dink. Ek dink dit is
belangrik. Ons dink nie almal presies dieselfde oor dinge nie, maar as ek eerlik sê wat
in my hart aangaan, al is ek al een wat so dink, dan mag ek dit sê. Ek dink dit sluit aan
by die eerste punt: niemand mag dit teen jou hou as jy 'n standpunt inneem wat anders
is as die ander s'n nie. Miskien moet ek dit gou tussen hakkies sê: Ek weet dat dit 'n
vrees kan wees wat van u dalk kan hê. My bedoeling is nie dat u aan die einde van
hierdie ag byeenkomste op 'n sekere manier moet dink oor hierdie goeters nie. Ek het
nie 'n uitgewerkte plan, of selfs 'n nie-uitgewerkte plan oor waartoe ek met u op pad wil
wees nie. Dit is nie waaroor dit vir my gaan nie. Ons hoef nie almal dieselfde te dink
aan die einde van hierdie agt byeenkomste nie. Ons moet net met mekaar 'n pad loop,
mekaar se hane neem en mekaar help om beter, suksesvoller mense te wees in die
nuwe SA: As ons dit regkry, dan dink ek het ons geslaag. Maar ek het nie 'n agenda
wat iewers hier agter in my kop is dat ek julle na 'n kant toe wil vat en sê aan die einde
gaan almal so dink nie. Regtig nie. Nog? Watter goed is nog belangrik?
Danie: As ek net daar kan byvoeg by eerlik, met respek teenoor mekaar se opinies en
persepsies.
Albert: Goed, respek hê vir mekaar se opinies.
Ben: As ek van my ou busdrywers in die straat kry, dat vat hulle my hand. Hulle vat jou
mos so en so (hy beduie) en dan groet hulle jou. Nouja, dit pla my nie. Maar ek is 'n
bietjie bekommerd die ou kom nou, ek weet nie wanneer nie, met die skilderye, en as
daardie man nou werklik… hy gaan verwag ek moet vir hom slaapplek gee.
Albert: Dit lyk my ons sal vir Ben moet help met hierdie praktiese goeters.