LEWE NA APARTHEID: LIDMATE SE NARRATIEWE VANUIT 'N ...

Bylaag 1: Gesprek 1 (30 Julie 1998)
p388
Lewe na apartheid – Gesprek 1: 30 Julie 1998
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
Albert: Welkom, ek is baie bly oor elkeen wat hier is. Daar is sommige mense wat
verskoning gemaak het, twee persone kan nie vanaand hier wees nie, maar hulle het
gesê hulle sal wel by ons volgende geleentheid inskakel. Daar is ook ander mense wat
aangedui het dat hulle gaan in skakel, ek sien hulle nog nie hier nie. Miskien kom hulle
nog, miskien het hulle intussen besluit hulle gaan die nie maak nie. Maar baie welkom
in elk geval vir elkeen wat tog hier is.
Ek het met sommige van julle al persoonlik gepraat oor wat die doel van hierdie
byeenkomste is, maar ter wille van volledigheid en ter wille van die ander met wie ek
nog nie daaroor gepraat het nie, wil ek maar weer daar deur gaan. Ek het ook 'n
inligtingstuk wat beskikbaar is – Ben weet ek het dit nou nog nie gekry nie, Charlie jy
ook nie. (Ek deel aan hulle die stuk uit.)
Dit groot probleem waarmee almal van ons sit, as blankes, op hierdie stadium, is om
as blankes in hierdie post-apartheid SA aan te pas en om hier vrede te maak, veral met
ons verlede. Julle het net nou gespot oor die WVK, maar die goed wat daar uitgekom
het, en veral dan by die amnestie kommissie, is goed wat ons as blankes se hare laat
rys het. En dan sê die mense, ek het nie daarvan geweet nie, of dit is nie waarvoor ek
gestem het destyds nie. Nou ek sê nie ons het almal vir die regering van destyds
gestem nie, maar ons was die mense wat die stemreg gehad het. En nou moet ons leef
in die nuwe SA – en dit is waaroor ons gaan praat. Maar nou met 'n baie spesifieke
klem.
Ek het twee doelwitte met hierdie byeenkomste. Eerstens terapeuties. Ek wil hê dat
ons mekaar begelei – hoor wat ek sê – mekaar moet begelei om beter aan te pas, om
'n meer suksesvolle deelname aan die nuwe SA te kan hê. Dis die een doelwit: die
terapeutiese waarde. Die ander een is dat ek hierdie goed alles op band opneem en dit
gaan transkribeer en dit gaan dan die basis vorm van my navorsing vir my proefskrif
verder aan. So dit is deel van daardie proses ook.
Waarna ek veral wil kyk – en ek is daarvan oortuig dat as ons in die nuwe SA 'n sukses
wil maak, sal ons eers ordentlik moet afhandel met die ou SA: Ek wil veral dat ons in
hierdie agt geleenthede wat ons by mekaar sal wees, gaan fokus op apartheid. Wat
die term beteken, wat die inhoud daarvan was, ens. Baie wyd in 'n sekere sin, maar
ook baie beperk tot wat was ons aandeel daarin. Dan gaan ons uiteraard praat oor