LEWE NA APARTHEID: LIDMATE SE NARRATIEWE VANUIT 'N ...

Hoofstuk 5: Die post-apartheid verhaal?
p298
7.2 Saam vorentoe
Op die pad vorentoe sal die NG Kerk hande moet vat met ander lede van die NG Kerkfamilie.
Uit dit wat reeds gesê is, is dit duidelik dat nie almal in die NG Kerk weet wat
apartheid aan swart medegelowiges gedoen het nie. As daarvoor meer begrip was, sou
daar ook meer begrip vir die aandrang op Belhar gewees het.
In 1998 skryf Gerloff (1998:48) wat vanuit ʼn Duitse perspektief na Suid-Afrika kyk die
volgende:
Only when Christians begin to break through... racial barriers, when
they start listening to the insights, perspectives, joys and sufferings of
those outside their own walls, some emotional identification and
comfort will happen. Only costly exposure can bring forgiveness! ...
What I observed in South African ‘mainline’ churches, is, with rare
exceptions, the opposite. In particular, many white Christians do not
see any need to ‘socialise’ with others differently than before. In united
functions, they look rather disconnected to black or coloured
participants. Worse, I met those who now underplayed cultural
differences, as if these were no longer real.
Die versoek van Meiring (1998:21 en 2003b:119) wat in hoofstuk een genoem is,
naamlik dat die NG Kerk mini-WVK sittings moet hou om mekaar se storie te kan hoor
en verstaan, blyk na al die jare nog net so relevant te wees. Hieraan het die Kerk nog
nie (genoeg) aandag gegee nie. Dit sou deel van die verklaring kon wees oor hoekom
NG Kerk lidmate so sukkel om skuld te bely oor apartheid.
7.3 Lidmate en skuldbelydenis
Ten tye van die aanvanklike navorsing was daar ʼn storie in omloop dat die onmoontlik
was om iemand te kry wat apartheid gesteun het. Dit kom ook in van die gesprekke na
vore: daar was niemand wat nog ooit vir die Nasionale Party gestem
het nie, dis die gangbare ding. Toe ek hierdie transkripsie
deurlees, toe dink ek ook – as dit waar is, hoe het dit gebeur
dat daar 'n beleid was wat ons as apartheid geken het... [Albert
2-070]. Ook onder die mede-navorsers was dit so. Heelparty het aanspraak gemaak