LEWE NA APARTHEID: LIDMATE SE NARRATIEWE VANUIT 'N ...

Hoofstuk 5: Die post-apartheid verhaal?
p290
gedoen het aan mense, blank en swart, aan kerk, aan die evangelie,
en die volgehoue weiering om te erken dat berou en bekering nodig
het, is nie net verstommend nie, maar ontneem ook alle grond aan die
verwagtings oor versoening (Boesak, aangehaal in Du Toit et al
2002:82).
Ook vanuit die WVK was daar vingerwysings na die NG Kerk: “there was also
disappointment with whites in general, Afrkaners and English – and the DRC in
particular – for remaining aloof, for not using the opportunities given to them, for not
entering into the spirit of truth and reconciliation” (Meiring 2003a:254).
Nog ander aanklaers sê lidmate loop weg uit die NG Kerk aangesien “the white
churches no longer made it possible for people to live their ordinary daily lives
according to their consciences, the church made it difficult to do the right thing in a
country haunted by injustice” (Krog 2003:246).
In ʼn onderhoud met Charles Leonard (2012:elektroniese bron) van die Mail & Guardian
maak Jean Oosthuizen van Kerkbode hierdie opmerking: "The Afrikaans churches'
support for apartheid is now costing them a lot. Many people feel cheated and want to
know, if the church lied to them about apartheid, what else it is lying about?" Dat die
NG Kerk sy tradisionele rol verloor het, is duidelik. ʼn Enkele voorbeeld is voldoende:
Twee jaar gelede verskyn daar ʼn boek oor versoening in Suid-Afrika (Du Toit &
Doxtader 2010). Uit die negentien medewerkers is daar nie een NG Kerk leier nie. Voor
1994 sou so iets ondenkbaar wees.
6.2 Die Kerk in ʼn post-apartheid oorpak
Die taak van die kerk het sekerlik vele fasette, maar die een taak wat onvermydelik
noodsaaklik is, is om betrokke te raak by die versoeningsproses in die land. In die lig
van 2 Korintiërs 5:18 (“Hy het ons deur Christus met Homself versoen en aan ons die
bediening van die versoening toevertrou”) en Romeine 12:18 (“leef in vrede met alle
mense”) is dit gebiedend dat dit juis die Christene, die kerke, moet wees wat hierin die
voortou neem. “The church, by definition, should have taken the lead in the search for
truth and reconciliation” (Meiring 1999a:20).