LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p235
die swarte baas, maar hier in my kerk, dit is my kerk hierdie jy
weet. Ek wil jou nie in my kerk hê nie, maar dit is eintlik nie
my kerk nie... Die oorgang van ʼn kerk eksklusief vir wit mense na ʼn kerk na die
patroon van die kerk in Handelinge, sal waarskynlik ʼn moeilike skuif wees.
Jonathan Jansen (2009:35) skryf oor die Afrikaanse kerke – ook die NG Kerk – as een
van drie laaste ruimtes
in which Afrikaners can be left alone to be white and Afrikaans without
interference; they remain the only arena that is, in many cases, still allwhite
and all-Afrikaans in the new South Africa; true, there is external
pressure to change from the broad church community, and there are
voices of conscience within the mainstream Afrikaner churches
pressing for a broader sense of mission and for recognition by world
bodies that once ejected them from the international faith community;
but it is entirely up to these churches, once indistinguishable from the
state, to decide whether and when they will change.
In aansluiting by hierdie standpunt van Jansen sê ek vir Isak: Ek stem met jou
saam daar is nog baie daarvan in die kerk, daai ding van orals
verander dinge, kom ons los dit in die kerk, kom ons verander
nie by die kerk nie. Dit is so half ʼn laaste bastion waar ek kan
terugtrek uit ʼn wêreld wat dalk nie meer so gemaklik is nie,
maar by die kerk is dit darem nog ons mense [Albert 14-348].
4.6 Regstellende aksie
Vanuit ʼn politieke hoek is aangevoer dat die onregte van die verlede aangespreek en
reggestel moet word. Verskillende metodes word hiervoor aangewend onder die
benaming regstellende aksie. Hierdie beskrywende woord – baie meer as die Engelse
affirmative action – vertel presies wat met al hierdie metodes beoog word: op ʼn manier
moet die benadeling van die verlede ongedaan gemaak word. Vanuit die oogpunt van
erkenning dat apartheid swart mense benadeel het, is dit onvermydelik dat so ʼn aksie
wel moes gebeur. Onder die mede-navorsers is dit egter nie ʼn eenvoudige saak nie.