LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p234
4.5.4 Struikelblokke op die pad na kerkhereniging
In 2009 het Anton Pienaar (2009:elektroniese bron) oor Kerkhereniging se
struikelblokke geskryf. Hierin voer hy onder ander ʼn aantal redes aan waarom
kerkhereniging so sloer. Sy argument dat rassisme nie meer ʼn rol speel in die NG Kerk
se optrede nie, mag waar wees van die leierskap, maar op grondvlak, soos onder
andere gesien in hierdie navorsing, speel dit tog nog ʼn rol. Hy is waarskynlik reg as hy
sê dat vrees – en veral oor taal – ʼn groter rol speel. Sy belangrikste opmerking is egter
gerig aan die NG Kerk self:
Het die NG Kerk toe maar geluister, ook na sy eie profete. Strukturele
eenwording van die NG Kerk-familie in die 1980's sou die weg kon
baan vir selfs ʼn beter nuwe Suid-Afrika as wat ons nou het. Die NG
Kerk het egter tot sy ewige verleentheid nie die insig of die moed
gehad nie (Pienaar 2009:elektroniese bron).
In die gesprek met Isak verwoord ek my eie bekommernis oor die
herenigingsproses en ek sluit by Pienaar se standpunt hierbo aan: Ek
dink ons het in Mandela se tyd ʼn baie sterker kans
gehad om kerkeenheid te laat gebeur, op strukturele
vlak praat ek nou, van as ooit daarna. Ek dink daai
tyd is verby. Ek het self groot vrae of ons kerk
hereniging gou gaan regkry en of ons dit nie maar
moet los vir die volgende geslag om dit te doen nie
[Albert 14-476].
Die mede-navorsers verwoord ook die verskillende vrese van lidmate oor die moontlike
vereniging met kerke van ander rasse. Hierdie vrese is vanuit ʼn Bybelse perspektief oor
die kerk as gemeenskap van gelowiges oor alles grense heen (Galasiërs 3:28)
onrealisties, maar verstaanbaar in die lig van die apartheidstyd se denke. Isak [14-485]
vra vrae oor wie vir die uitgawes gaan betaal as swart mense die kerke oorneem, en
watter taal gesing [Isak 14-385] gaan word. Hy gee waarskynlik self deel van die
antwoord as hy sê dat swart mense nog steeds daai behoefte om op hulle
eie manier kerk te hou [Isak 14-496].
Dalk verwoord Isak [14-344] die mening van meer lidmate van die NG Kerk met hierdie
woorde: ...baie mense sien die kerk nog as my kerk. Daarbuite is