LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p222
Die kritiek teen die voetewas-episode was nie soseer gerig op die wassery self nie, dié
is selfs deur Thabo Mbeki as ’n buitengewone en roerende gebaar van versoening
bestempel (De Lange 2006:1). Die kritiek – soos hierbo aangetoon – het gehandel oor
wat nog gesê moes word. Soos Nico Smith (2010a:103) dit stel: “...daar bly nog baie
voete oor...”.
In my opvolggesprek met Hanlie praat ons oor Vlok se optrede. Daar
herhaal ek die vraag in my gemoed oor skuldbelydenis: Ek het ʼn
vraag oor hoeveel mense, wit Afrikaanse Christene,
het nou werklik nou al skuld bely het, as ek daai
word moet gebruik. Om op ʼn punt van hulle lewe te kom
en te sê as ek nou kyk na wat gebeur het in die
vorige bedeling dan besef ek ons het mense te na
gekom. Wat net intellektueel vir hulle op daardie
stadium net hardop gesê het. Ek wonder hoeveel mense
dit regtig doen. Baie mense sê vir jou ons het klaar
bely oor apartheid en dan bedoel hy nie hy het bely
nie... [Albert 12-451]. My vraag is of individuele mense
op ʼn punt al gekom het om te sê maar weet jy dit wat
ons gehad het, was verkeerd. Ek kry so ʼn idee dat
ouens wil daardie stappie spring en sê man kom ons
vergeet dit wat verby is, kom ons gaan nou net aan
[Albert 12-550].
Dit blyk dat dit nie net ek is wat hieroor wonder en waag om dit te verwoord nie.
Thomas Smith (2009b:elektroniese bron) beskryf homself as “a white boy born in South
Africa in 1975. My home language is Afrikaans. I have spent most of my adult life in
predominantly white Afrikaans speaking churches. I am a beneficiary of Apartheid.” In
sy blog (Smith 2009a:elektroniese bron) waag hy dit om vrae te vra oor ʼn net-wit
Afrikaanse kerk. Later reageer hy op die terugvoer van sy lesers en skryf onder andere
oor die kwessie van vergifnis.
“…it has been pointed out rightly that we have to deal with forgiveness.
We have to ask God’s forgiveness and forgive ourselves. But what
about asking forgiveness of those who have been oppressed? I regularly
ask black people in our country whether a white person has asked