LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p213
for the future of our country" (Hawthorne 2001:elektroniese bron).
Die veldtog het nie op veel uitgeloop nie. Alhoewel ongeveer vyf honderd wit ANCondersteuners
dit geteken het, is dit uit verskillende oorde gekritiseer. Marthinus van
Schalkwyk, voormalige hoofleier van die (Nuwe) NP sê die veldtog “engineers
collective white guilt as a form of permanent psychological enslavement” (Manyapelo
2001:elektroniese bron). Een slotsom waartoe gekom kan word, is dat wit mense nie
juis skuldig voel oor hulle aandeel aan apartheid en die voordele wat hulle as lede van
die wit gemeenskap in Suid-Afrika geniet het en steeds geniet, nie.
4.4.2 Ontkenning
Nie alleen is daar ʼn onbegrip oor die effek van apartheid nie, maar daar is ook ʼn
blatante ontkenning dat wit mense enige rede het om skuldig te wees oor enige aspek
van apartheid. Die mees onlangse voorbeeld hiervan was ʼn pamflet wat ná Jeugdag
(16 Junie 2012) deur die Herstigte Nasionale Party versprei is. Dit bevat ʼn
mediaverklaring van die Hoofsekretaris van die party:
Die HNP se Hoofbestuur het op die sogenaamde Jeugdag met afkeer
kennis geneem van die verdraaiing van die geskiedenis, en die
voortdurende pogings om die Afrikaners onder ʼn skuldgevoel te hou.
Die HNP stel dit onomwonde dat die Afrikaners geen deel het aan die
sogenaamde Jeugdag nie, en ook nie nodig het om enige skuldgevoel
te hê oor die gebeure in 1976 in Soweto nie (Van der Schyff 2012).
Hierdie sentiment was ook volop in die opvolggesprekke. Danie [13-502] stel dit
pertinent ek voel geensins skuldig in enige sin vir apartheid nie.
Ook George [15-568] eggo hierdie woorde Ek voel nie ek het skuld aan
apartheid nie.
Dit is veral Johan [6-208] wat ʼn interessante siening hieroor huldig. Soos reeds hierbo
aangedui, het hy in die aanvanklike navorsing sy standpunt gestel dat hy afsonderlike
ontwikkeling steun en niks anders nie. Hieroor het sy standpunt nog nie verander nie:
As ʼn mens praat van skuld dan impliseer dit dat
apartheid ʼn sonde was (die woord apartheid is
misbruik en het ʼn vloekwoord geword - ek praat