LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p190
Die ander mede-navorsers het soortgelyke verhale te vertel. Elsa [9-058] vertel:
Ek persoonlik het op ʼn meer persoonlike vlak by die
bruin en swart mense betrokke geraak as gevolg van ʼn
interkerklike vroue groep... by wie ek aangesluit
het toe ek hier aangekom het. En dit was die eerste
mense wat na my toe uitgereik het. En daar is geen
diskriminasie van ras of stam of wat ook al nie. So
of jy nou kleurling is of pikswart is almal omhels
mekaar en gee mekaar ʼn drukkie en so. Dit het ek op
ʼn baie persoonlike manier beleef.
Hanlie [12-126] vertel dat haar een kleinseun se beste maat ʼn swart seun is wat saam
met hom in die skool is. Hulle twee slaap oor en weer by mekaar en hy was al saam
met hulle op vakansie. Vir hulle is die verskil in velkleur totaal niks snaaks nie.
Die grootste blootstelling aan ander rasse vind deesdae sekerlik by die werksplek
plaas. Saldaňa (2003:161) vra die vraag: “What contextual and intervening conditions
appear to influence and affect participant changes through time?” Die blootstelling aan
ander rasse by die werkplek speel ʼn groot rol om bestaande stereotipes af te breek.
[E]k wil tog sê ek dink daar is tog ʼn verandering aan die gebeur
in die sin dat daar genoeg mense is wat sê, of wat ondervind dat
die omstandighede waarin hulle werk byvoorbeeld hulle kollegas
en so aan, dat daar wel mense is wat briljant is en wat goed
opgelei is [Hanlie 12-309]. As deel van Isak se werk reël hy jaarliks ʼn padwedloop
tussen twee kampusse van ʼn plaaslike VOO 29 kollege, bekend as die Campus 2
Campus wedloop. Hieroor skryf hy:
Ons het geweldige positiewe terugvoer van die atlete
gekry. Van die atlete was vir die eerste keer in
Thabong, en het vir ons gesê dat dit ʼn goeie
ervaring was en dat baie van hulle persepsies
verkeerd was. Die Thabong gemeenskap het die wedloop
ten volle ondersteun, en wit en swart atlete is
ondersteun... Ek dink dit is miskien nie groot nie,
maar ʼn betekenisvolle brug wat gebou word tussen die
29 Kollege vir Verdere Onderwys en Opleiding. Dikwels meer bekend in sy Engels benaming: Further
Education and Training (FET) College.