Leseenheid 2 - Christelike Biblioteek
Leseenheid 2 - Christelike Biblioteek
Leseenheid 2 - Christelike Biblioteek
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Leseenheid</strong> 2<br />
Aktiwiteit 1: Kom ons luister<br />
Luister aandagtig na die voorgelese advertensie(sien addendum, bl. 67). Beantwoord<br />
dan die volgende vrae:<br />
1. Watter produk word geadverteer?<br />
2. Wie kan die geadverteerde produk gebruik?<br />
3. Noem drie eienskappe van die produk wat dit so wonderlik maak.<br />
4. In hoeveel geure is die produk verkrygbaar?<br />
5. Waar kan jy die produk koop?<br />
6. Waarvoor gebruik ‘n mens die produk wat geadverteer word? (Noem twee<br />
gebruike.)<br />
7. Waarvan word hierdie produk vervaardig?<br />
Aktiwiteit 2: Kom ons praat<br />
Groepopdrag<br />
Gebruik ‘n bandmasjien en maak in jou groep ‘n soortgelyke advertensie. Stel dan<br />
vyf vrae met die antwoorde oor julle advertensie op. Lees dit in op die bandmasjien.<br />
Ruil met ander groepe en luister na hul advertensies. Beantwoord dan hulle vrae in<br />
groepverband.<br />
Aktiwiteit 3: Kom ons lees hardop<br />
Gedeelde lees: luidlees<br />
Goggas en goeters<br />
Insekte is gewoonlik baie klein “diertjies”. Sprinkane, motte, skoenlappers, bye,<br />
kewers, naaldekokers, vlieë en miere is insekte. Insekte het ses bene, een paar<br />
voelers en gewoonlik een of twee pare vlerke. Die liggaam van ‘n insek bestaan<br />
uit drie dele - kop, middellyf en agterlyf. Hulle haal asem deur hulle velle wat na<br />
lugbuisies toe lei.<br />
Bye en miere lewe saam in groot families. Hulle is wat ‘n mens sal noem “sosiale” insekte.<br />
Sommige insekte is skadelik vir die mens en ander help die mens. Insekte dra stuifmeel van<br />
die een blom na die ander. Huisvlieë versprei kieme.<br />
24
Die skoenlapper, onder andere, het<br />
saamgestelde oë - elkeen van die twee<br />
groot oë bestaan uit honderde klein<br />
ogies. Skoenlappers lê hulle eiertjies op<br />
plante. Ruspers kom uit die eiertjies uit.<br />
Die ruspers gooi verskeie kere hulle velle<br />
af (vervel). Die rusper verander later in<br />
’n papie. Die vel van die papie bars oop<br />
en ‘n skoenlapper kom weer uit.<br />
Miskruiers doen ‘n baie belangrike werk terwyl hulle hul bolletjie mis met hul<br />
agterpote aanrol. Hulle verwyder opgehoopte mis, vernietig eiers van vlieë en<br />
parasiete in die mis en keer dus dat siektes versprei. Hulle breek ook verrottende<br />
materiaal af, help so om die grond te bemes en stel saadjies uit die mis vry om te<br />
ontkiem. Die tonneltjies wat hulle in die grond maak om eiers te lê en voedsel te<br />
berg, vorm ondergrondse waterkanaaltjies vir beter dreinering.<br />
‘n Mamma-miskruier lê op ’n slag vyf eiers aan die punt van ‘n diep tonnel wat sy self<br />
ondergronds grawe. Die eiers word in mis ingebed, wat hulle warm hou en ook as voedsel<br />
dien vir die larwes sodra hulle uitgebroei het. Na ‘n hele paar dae van harde werk gaan sy<br />
en Pa Miskruier in die boonste kamer rus. Na ses dae broei die eiertjies uit en word vet<br />
larwes, wat soos wurms lyk en die mis waarin hulle gelê het, begin eet.<br />
Vier maande later word die larwes papies. Na nog ‘n maand kom daar volwasse<br />
miskruiers uit die papies. Die eerste goeie reën is vir die groot miskruiers die<br />
teken om onder die grond uit te kruip en dadelik te begin rondvlieg, op soek na<br />
vars mis ... ‘n Nuwe lewensiklus het begin.<br />
25
Kyk na woordherkenning en tempowisseling.<br />
Opdrag<br />
Beantwoord nou die volgende vrae mondeling:<br />
1. Watter soort insek het jy al in julle tuin gesien?<br />
2. Watter kenmerke het ‘n insek?<br />
3. Kon jy sien dat die insekte deur hulle velle asemhaal?<br />
4. Is daar af en toe vlieë in julle huis?<br />
5. Wat doen julle om hulle te bestry?<br />
6. Waarom moet ons hulle bestry?<br />
7. Waarom word bye en miere “sosiale” insekte genoem?<br />
8. Watter kleure skoenlappers is volop in ons omgewing?<br />
9. Hoe plant skoenlappers voort?<br />
10. Het jy geweet ’n mens kan skoenlappers versamel?<br />
11. Hoe gaan mens te werk om dit te doen?<br />
12. Waarom is hier in die stad so min miskruiers?<br />
13. Het jy al gesien hoe werk ‘n miskruier?<br />
14. Watter belangrike rol speel miskruiers in die grond?<br />
15. Waarmee dink jy grawe miskruiers die tonnels?<br />
16. Watter gogga ken jy wat baie soos ‘n miskruier lyk?<br />
17. Van watter ander kruier het jy al gehoor?<br />
18. Wat noem ons die seisoen wanneer die eerste reëntjie val?<br />
19. Dink jy die miskruier sien uit na hierdie seisoen? Waarom?<br />
20. Wat is ‘n lewensiklus?<br />
Aktiwiteit 4: Ons skerp leestegnieke in<br />
Stilleesvaardighede<br />
Opdrag: Begripsoefening en kernwoordherkenning:<br />
a. Lees weer die teks oor goggas en goeters by Aktiwiteit 2 en beantwoord dan die<br />
volgende vrae deeglik in vol sinne:<br />
1. Waarom sê die skrywer insekte is gewoonlik klein?<br />
2. Hoe verskil insekte se asemhaling van die mens s’n?<br />
3. Wat beteken die woord “sosiale”?<br />
4. Noem 2 maniere hoe insekte die mens help?<br />
5. Hoe is die skoenlapper se oë saamgestel?<br />
6. Is ‘n rusper ‘n eier of ‘n wurm?<br />
7. Kies die regte volgorde vir die skoenlapper se lewensloop?<br />
• eier rusper papie skoenlapper<br />
• papie eier skoenlapper rusper<br />
26
8. Noem drie goeie dade wat miskruiers doen.<br />
9. Waarin lê miskruiers hul eiers?<br />
10. Hoe lank neem ‘n miskruier se eier om uit te broei?<br />
11. Lyk larwes en wurms eenders?<br />
12. Die eerste goeie reën gee vir die miskruiers ‘n opdrag. Sê in een goeie sin wat<br />
die opdrag is.<br />
b. Sluitingslees: Vul die korrekte woorde in die spasie in: Jy mag jou antwoorde uit<br />
die volgende woordbank kies:<br />
troepemag gaan stilstand heilig<br />
leër soldate mis miskruier<br />
bevel leier strate optog<br />
doodstil troepemag staan pad<br />
stad<br />
Miskruiers<br />
Het jy geweet dat miskruiers vir die Egiptenare ______________ was? Ja, ‘n klein<br />
miskruiertjie kon ‘n groot ___________ tot stilstand bring. Daar word vertel dat ‘n<br />
Egiptiese ____________ deur die ____________ van ‘n groot ____________ ‘n ______<br />
gehou het. Skielik het die ___________ die leër tot _____________ geroep.<br />
Die agterste ____________ kon nie sien waarom nie, maar het _______________ bly<br />
_________. Voor het ‘n _________________ ewe rustig sy bolletjie ______________oor<br />
die _____________ gerol! Eers toe hy verby is, het die __________ die _____________<br />
gekry om voort te ___________________!<br />
(Dink ‘n oorspronklike naam uit vir die leesstukkie.)<br />
Aktiwiteit 5: Ons lees verskillende tekste - fabels<br />
Opdrag<br />
Lees die fabel wat aan jou uitgedeel word en beantwoord dan die vrae daaroor:<br />
1. Het die fabel mense- of dierekarakters?<br />
2. Is daar verskille, botsing of rusies (stryd) tussen party karakters?<br />
3. Watter les wou die fabel vir ons leer?<br />
4. Het die les vir jouself, ons klas of skool waarde? Waarom?<br />
5. Uit watter land of kultuurgroep kom hierdie fabel?<br />
6. Het julle van die fabel gehou? Gee soveel moontlik redes vir jou antwoord.<br />
7. Gebruik nou een paragraaf van jou fabel en haal ‘n aantal kernwoorde uit die<br />
teks.<br />
8. Ruil nou jou paragraaf met iemand anders s’n en vul mekaar se kernwoorde in.<br />
Ruil terug en merk dit volgens die oorspronklike teks.<br />
27
Aktiwiteit 6: Ons lees fabels<br />
Opdrag:<br />
Gedifferensieerde lees in vaardigheidsgroepe<br />
1. Lees die fabel wat aan jou uitgedeel is stil en met aandag deur.<br />
2. Lees ook hierdie sappige brokkie miskruiernuus uit Japan vir jou plesier.<br />
My dierbare diertjie - ‘n miskruier<br />
In die woonstelle van hul<br />
oorvol stede is katte en<br />
honde taboe. Pleks daarvan<br />
hou talle Japanners<br />
miskruiers aan!<br />
Suid-Afrikaners steur hulle nie<br />
veel aan miskruiers nie. Vir<br />
ons is hulle maar net die goggas<br />
wat yslike bolle mis - meestal veel<br />
groter as hulself - aanrol.<br />
Maar in Japan is dit ‘n gans<br />
ander storie. Daar is die nederige<br />
miskruier ‘n gerekende insek en<br />
word dit behoorlik vertroetel.<br />
In Japan se oorvol stede mag die<br />
meeste mense wat in woonstelle<br />
bly nie katte of honde aanhou nie.<br />
Pleks daarvan hou hulle insekte<br />
aan. En onder die insekte is die<br />
miskruier loshande die gewildste.<br />
Hulle kry spesiale kos en vitamiene<br />
om hulle vetter en blinker te<br />
maak en die Janpaners skroom nie<br />
om duisende rande vir ‘n miskruier<br />
te betaal nie.<br />
Telers deurkruis die platteland,<br />
grawe gate in die grond, krap<br />
blare weg en soek onder die bas<br />
van bome na die gesogte insekte.<br />
Miskruiers wat in die natuur<br />
gevang word, is gewilder en dus<br />
ook duurder as dié wat geteel<br />
word.<br />
Tokio en ander groot stede het<br />
almal markte waar jy miskruiers<br />
kan koop. Ryk versamelaars sal<br />
ver reis op soek na die regte miskruier.<br />
Hulle is so gewild dat<br />
Japannese kinders soms maande<br />
lank hul sakgeld sal spaar om ‘n<br />
larwe te koop wat hulle dan in<br />
deursigtige houers laat uitbroei sodat<br />
hulle behoorlik ‘n dagboek van<br />
hul troeteldier se lewe kan hou.<br />
Kinders speel ure lank met die<br />
miskruiers en laat hulle op hul<br />
arms en gesigte rondkruip.<br />
Die insekte is beslis nie goedkoop<br />
nie. Een wat so groot soos<br />
‘n R5-muntstuk is, kan tot R3 000<br />
kos. Vir ‘n werklik reusagtige<br />
miskruier sal ‘n ryk versamelaar<br />
tot R50 000 betaal.<br />
Omdat daar so ‘n groot aanvraag<br />
vir die goggas is, koop baie mense<br />
kleinjies goedkoop, voer hulle dan<br />
vet en verkoop hulle weer teen ‘n<br />
yslike wins.<br />
Daar is geen tekort aan kopers<br />
nie. Soos een Japannese kewerhandelaar<br />
sê: “Dit lyk asof almal<br />
miskruierkoors het.”<br />
Die kewers is beslis nie mooi nie.<br />
Hulle het harde vet lywe, horings<br />
aan hulle koppe, dun beentjies wat<br />
‘n skuurgeluid maak wanneer hulle<br />
loop en hulle ruik nie juis aangenaam<br />
nie.<br />
Mense wat maklik gril, kan die<br />
goggas nie verdra nie, maar vir die<br />
Japanners is hulle amper so dierbaar<br />
as wat hondjies vir ons is.<br />
Kiosji, ‘n 31-jarige uitvoerende<br />
amptenaar van ‘n groot firma in<br />
Tokio, teel al tien jaak lank miskruiers.<br />
Hy gaan elke aand na<br />
werk na ‘n gebou naby sy huis<br />
waar hy sy versameling van<br />
duisende kosbare kewer huisves.<br />
Hulle word in ‘n spesiale vertrek<br />
gehou waar die temperatuur altyd<br />
tussen 21 en 24 grade is - die<br />
ideale temperatuur as jy miskruiers<br />
wil teel.<br />
‘n Klant bekyk ‘n gogga voordat hy besluit of die “troeteldier” hom geval<br />
28
Aktiwiteit 7: Ons lees in ons vaardigheidsgroepe<br />
Opdrag<br />
1. Julle werk in julle leesgroepe en lees julle verskillende fabels aan mekaar voor.<br />
2. Kies die gewildste fabel.<br />
3. Stel ‘n sluitingsleesopdrag vir ‘n ander groep met hierdie fabel op en ruil dit met<br />
hulle opdrag. Lees mekaar se fabels en vul betekenisvolle woorde in.<br />
Aktiwiteit 8: Ons lees gedigte<br />
Opdrag<br />
Elke leerling lees die gedig selfstandig<br />
Joekie Jakkals en Wim Wolf<br />
kuier saam by Donkie Dolf,<br />
sit en grootpraat heelnag lank<br />
op ou Dolf se riempiesbank.<br />
“Wie is bang vir Barend By!”<br />
spot Wolf, en blaas die rook opsy.<br />
“net die ding wat ek na soek,”<br />
sê Joekie Jakkals: “’n heuningkoek”.<br />
Wim Wolf en die bye<br />
-Karl Schmidt-<br />
Emmer aan sy arm en met stomp knipmes<br />
werskaf Wolf in die byenes.<br />
Maar, oe! Dit kriewel in sy broek<br />
waar Barend en sy maters steekplek soek.<br />
Bo van die leer tuimel Wim Wolf af<br />
as die by hom steek en die honde blaf.<br />
En gwarr! Klink Boer se haelgeweer.<br />
O, eina! O, eina sy lyf is so seer.<br />
29
Op die bed kreun Wolf van pyn,<br />
Donkie Dolf dokter met asyn<br />
Op die bank in die ander hoek<br />
lê Joekie en eet sy heuningkoek -<br />
Die enigste wat Wim uitgehaal het<br />
en soveel lyfpyn voor betaal het.<br />
Opdrag<br />
1. Sê in een sin wat die hoofgedagte van die gedig is.<br />
2. Luister wanneer Juffrou die gedig lees en beantwoord daarna die vrae:<br />
Vrae:<br />
1. Vertel die gedig ‘n storie?<br />
2. Sê die titel vir jou waaroor die gedig handel?<br />
3. Watter tyd gebeur hierdie dinge en waar?<br />
4. Het Joekie Jakkals vir Wim Wolf ‘n poets gebak? Hoe?<br />
5. Noem die karakters in die gedig se name.<br />
6. Kyk mooi na die strofes. Watter een verskil van die ander en hoe?<br />
7. Klink Wolf en Dolf dieselfde?<br />
8. Soek nog woorde in die gedig wat dieselfde klink. Ons sê dit rym.<br />
9. Watter woord verduidelik ‘n klank van ‘n geweer?<br />
10. Waarmee het Wim Wolf vir die heerlike heuningkoek betaal?<br />
Lees ook die volgende gediggie:<br />
Miskruier<br />
-Piet Swanepoel-<br />
Miskruier, arrie jy’s vroeg op die been<br />
En kastig so haastig en hard aan die hol.<br />
Miskruier, sê my, waar draf jy tog heen<br />
met daardie klein bolletjie wat jy so rol?<br />
Luister, Chris Meyer, as jy dan moet weet,<br />
die misbol so geurig, so bruin en so rond,<br />
Dit is die kos wat my kinders moet eet<br />
Die dag as hul uitbroei diep onder die grond..<br />
30
Miskruier, miskruier, sê my nog net,<br />
En rêrig waar Oompie, ek soek nou nie skoor,<br />
Trouens, dit lyk my na baie groot pret,<br />
Maar waarom stoot jy dit dan agterstevoor?<br />
Luister, Chris Meyer, kom buk hier en ruik<br />
En dan sal jy weet dis nie sommer ‘ n nuk.<br />
Ek moet my hande vir vastrap gebruik<br />
En dus het ek niks om mee neus toe te druk.<br />
Aktiwiteit 9: Ons leer ons taal<br />
Opdrag<br />
1. Kyk na die gedig “Miskruier”.<br />
2. Skryf al die klinkers in versreël twee neer. (Ons noem dit ook vokale.)<br />
3. Kan jy sien watter klinkers word lank gesê en watter kort?<br />
4. Woorde bestaan meestal nie net uit klinkers nie. Skryf nou al die medeklinkers<br />
van dieselfde versreël neer. (Ons noem dit ook konsonante.)<br />
5. In strofe twee se eerste versreël (versreël vyf), is daar klanke soos ui en y. Luister<br />
mooi wanneer jy die klanke sê. ‘n Mens hoor twee klanke, maar as hulle saam in<br />
een lettergreep staan, hoort hulle saam. Sulke klanke word tweeklanke of diftonge<br />
genoem.<br />
6. Soek nou nog diftonge in hierdie gedig en skryf dit neer<br />
7. Klinkers kan in drie klinkergroepe verdeel word. Klinkergroepe is daar om ons<br />
te help om reg te spel. Trek drie kolomme in jou boek en skryf elke keer die woord<br />
onder die regte klinkergroep:<br />
mot mier by vlieg sprinkaan<br />
31
Aktiwiteit 10: Ons ken ons taal<br />
Opdrag<br />
1. Kyk na die twee gedigte by Aktiwiteit 8.<br />
2. Skryf alle woorde neer wat die naam van iets of iemand is.<br />
3. Kyk na die woorde wat dinge se name is en kyk hoeveel van hulle se meervoud en<br />
verkleining jy kan sê.<br />
Het jy geweet?<br />
• Die name van mense, diere, dinge, lande, riviere, berge, dorpe ens. noem ons<br />
selfstandige naamwoorde.<br />
• Ons kan toets of dit ‘n selfstandige naamwoord is deur:<br />
• ‘n “’n” of ‘n “die” reg voor die woord te gebruik.<br />
• van die woord ‘n meervoud of verkleining te maak<br />
• te toets of ons dit met ons sintuie kan waarneem<br />
• te toets of dit dalk ‘n manlike of vroulike vorm kan kry.<br />
4. Kyk nou weer na die leesstuk by Aktiwiteit 3 , “Goggas en goeters” en skryf al die<br />
selfstandige naamwoorde neer:<br />
Aktiwiteit 11: Ek verstaan my taal<br />
Opdrag:<br />
1. Lees die onderstaande gedeelte deur en skryf al die selfstandige naamwoorde<br />
(woorde wat iets of iemand benoem - ‘n naam gee) neer.<br />
2. Skryf nou al die woorde wat iets of iemand beskryf neer.<br />
Anansi<br />
My naam is Anansi en ek is ‘n spinnekop. Dit kan jy<br />
sien, want ek het agt lang pote. Party mense sê ek is<br />
slinks, maar ek is nogal slim. Ek het ‘n goeie vriend.<br />
Sy naam is Moeli.<br />
Storieverteller<br />
Moeli was ‘n klein, wollerige bruin muisie. Sy stert was lank en het gekrul en hy<br />
het twee klein, klein pienk oortjies gehad. Die lang, wit hare van sy snorbaard het<br />
liggies gebewe as hy bang word.<br />
32
Het jy geweet?<br />
• Woorde wat vir ons dinge beskryf van iets of iemand noem ons byvoeglike<br />
naamwoorde. Byvoorbeeld: die growwe dikstertskerpioen is die gevaarlikste<br />
spesie.<br />
• Hierdie woorde maak ons taal ryk en dit is belangrik dat ons baie van hulle ken<br />
en dit gereeld gebruik.<br />
• Baie van hierdie woorde kan trappe van vergelyking kry. Byvoorbeeld: grof ><br />
growwer > grofste<br />
3. Lees die gedeelte oor skerpioene. Skryf vyf woordjies neer wat die skerpioen<br />
beskryf.<br />
4. Sê ook watter spesie is die gevaarlikste en waarom?<br />
Goggamanewales<br />
Skerpioene<br />
Die Richtersveld Nasionale Park is ‘n absolute paradys vir<br />
skerpioene. Die growwe dikstertskerpioen is die gevaarlikste<br />
spesie. Dit is vir ‘n paar ure na sononder aktief en ‘n hele paar<br />
mense het al van sy steek gesterf. Die vaalbeengraafskerpioen is<br />
die grootste spesie en word tussen 11 en 14 cm lank. Hulle is baie<br />
sterk, maar hoewel hulle ook steek is hul gif nie gevaarlik nie.<br />
Spinnekoppe<br />
Die wit dame, wat in die Richtersveld Nasionale Park aangetref word, is ‘n baie<br />
interessante spinnekop. Wanneer hy bedreig word, tree hy baie aggressief op. Hy<br />
lig sy lyf tot op die punt van sy tone en voer ‘n soort “dans” uit. Tog is hy nie<br />
gevaarlik nie. Hierdie spinnekop is pienkerig van kleur in gebiede waar die sand<br />
rooi of oranje is, maar op vaalwit sand is hierdie kalant so te sê spierwit. Die<br />
horingbobbejaanspinnekop is nog ‘n voorbeeld van ‘n woestynspinnekop. Hy is<br />
betreklik groot en het ‘n opvallende swart horing op sy rug. Hierdie spinnekoppe<br />
is gesogte “troeteldiere” in sekere oorsese lande en weens hierdie handel het hulle<br />
getalle sorgwekkend gedaal.<br />
5. Lees die stukkie oor spinnekoppe en skryf ses woorde neer wat spinnekoppe<br />
beskryf.<br />
6. Maak nou met drie van hierdie woorde jou eie spogsinne.<br />
33
Aktiwiteit 12:<br />
Ek praat my taal<br />
Opdrag<br />
Gaan soek in ‘n tydskrif na ‘n prent oor enige insek. Berei voor en kom beskryf die<br />
insek aan jou maats deur sinne met beskrywende woorde (byvoeglike naamwoorde)<br />
te gebruik.<br />
Aktiwiteit 13:<br />
Ek kommunikeer in my taal<br />
Opdrag<br />
Lees die volgende inhoud:<br />
SWEM IS IN HAAR BLOED<br />
Jean-Marie Neethling, kleinsus van die Olimpiese sweheld, Ryk<br />
Neethling, is vanjaar in matriek, maar sy is klaar besig om die<br />
swemwêreld te verower. Verlede jaar het sy aan die Statebondspele<br />
deelgeneem , in Italië drie medaljes verower in die San Marino-uitdaagbyeenkoms<br />
en sy is deur die tydskrif Seventeen aangewys as<br />
die sportiefste tiener in Suid-Afrika.<br />
HOE LYK ‘N GEMIDDELDE DAG IN JOU LEWE?<br />
Tydens ‘n skoolkwartaal swem ek in die oggend van agtuur vir 90<br />
minute (4,5 km) en woon dan skool by om werk in te handig of toetse<br />
te skryf. My skool, Hoërskool Sentraal in Bloemfontein, is baie<br />
behulpsaam met my swemskedule en laat toe dat ek in die oggend<br />
oefen soos dit my program pas. Daarna oefen ek ‘n uur in die gym<br />
tot twalfuur. Dan woon ek die res van die skooldag by tot tweeuur,<br />
gaan vinnig huis toe om te eet en dan volg my tweede swemsessie<br />
(6 km). Die res van die middag sal ek skoolwerk klaarmaak en rus.<br />
WAAROM HET JY SWEM AS SPOTSOORT GEKIES?<br />
Ek het al van ‘n jong ouderdom asma en ek het albei my bene ook<br />
gebreek; so dit maak dit vir my baie moeilik om te hardloop. En<br />
die meeste sportsoorte behels hardloop. Ek het ook vir ‘n paar<br />
jaar dans, trompoppies en gimnastiek gedoen. My broer het my al<br />
aangemoedig om te begin swem toe ek nege jaar oud was en van<br />
daar het swem voorkeur gekry. Dit is vir my ‘n wonderlike sport.<br />
Ek is mal oor die water en om net in die water te wees, is vir my<br />
ongelooflik.<br />
WATTER ROL SPEEL JOU BROER IN JOU SWEMLOOP-<br />
BAAN?<br />
‘n Baie groot rol. Hy en my ma is albei my afrigters, hoewel hy in<br />
Pretoria woon. Hy stuur daagliks vir my swemprogramme en hoor<br />
agterna hoe ek voel. Hy is ook altyd daar om vir my advies te gee<br />
wanneer ek in moeilike situasies is - hy was al soveel keer deur<br />
dieselfde situasies en weet hoe om dit te hanteer. Ek is ongelooflik<br />
bevoorreg om hon as my broer te hê.<br />
VOEL DIT NIE SOMS VREEMD OM EEN VAN DIE<br />
BEROEMDSTE BROERS IN DIE LAND TE Hê NIE?<br />
Dit voel soms vreemd om my broer se lyf of gesig op vriende se<br />
selfone te sien of selfs wanneer ou tannies benoud vir sy handtekening<br />
vra in winkelsentrums of eetplekke. Maar ten spyte van<br />
als... bly hy my broer, Rykie van Bloemfontein.<br />
WAT WAS TOT DUSVER DIE HOOGTEPUNT VAN JOU<br />
SWEMLOOPBAAN?<br />
Die Statebondspele in Melbourne in Maart 2006. Ek was die<br />
jongste spanlid, ek het twee finale gehaal in die 200 m- individuele<br />
wisselslag die senior SA-rekord verbeter en ‘n sesde plek behaal.<br />
HOE LYK JOU PLANNE VIR NA SKOOL?<br />
Ek gaan in 2008 na Tucson, Arizona (Amerika) se universiteit om<br />
te swem en studeer. Ek wil graag sportfisiologie en sportsielkunde<br />
studeer.<br />
34
Groepopdrag<br />
• Kyk in julle groepe na ‘n video van ‘n onderhoud.<br />
• Bespreek hoe daar te werk gegaan word om ‘n onderhoud te voer.<br />
• Dink watter tipe vrae gestel word.<br />
Opdrag<br />
1. Voer nou ‘n onderhoud met jou maat. Dink aan ander vrae wat jy kan vra om die<br />
persoon beter te leer ken. Byvoorbeeld:<br />
• Is jy nuuskierig?<br />
• Wat is jou grootste uitdaging?<br />
• Wat maak jou hartseer?<br />
• Wat is jou grootste wens?<br />
• Jou grootste kosvoorliefde?<br />
• Hoe ontspan jy?<br />
• Wat maak jou baie gelukkig?<br />
2. Soek in jou tydskrif na nog ‘n voorbeeld van ‘n onderhoud. Skryf nou drie sinne<br />
oor die persoon met wie daar ‘n onderhoud gevoer is.<br />
3. Voer ‘n onderhoud met een van jou onderwysers om hom/haar beter te leer ken.<br />
Skryf die onderhoud (vrae en antwoorde) in jou skrif neer.<br />
Aktiwiteit 14: Ons skryf ons taal<br />
Opdrag<br />
1. Dit is kort voor ‘n lang naweek, die paaie gaan weer baie besig wees. Skryf ’n<br />
verkeersverslag (vir die radio) vanuit die helikopter om padveiligheid te bevorder.<br />
Jy kan van die volgende woorde gebruik maak:<br />
verkeerspolisie vloei sy brandstof het opgeraak<br />
verkeer ontwrig verkeersknoop<br />
oplos verbysteek verkeersbeampte<br />
voort verkeerslig waarsku<br />
beweeg spoed jaag<br />
snelstrik spitstyd buffer<br />
haas teen sentrale<br />
dagtaak eienaar saamryklub<br />
behoort bespaar dikwels<br />
pendelaars buurdorpe verkeersreëls<br />
oortree rookmis hang<br />
swaar aftrek snelheidsgrens<br />
beboude gebied rybewys dagvaarding<br />
35
2. Skryf kort aanwysings om na die naaste kafee te gaan.<br />
3. Jy het ‘n nuwe klasmaat. Skryf aanwysings om vir hom/haar te verduidelik waar<br />
jy woon.<br />
Aktiwiteit 15:<br />
Ons skryf skematies<br />
Groepopdrag<br />
Kyk in julle groep na die weerkaart en bespreek al die inligting wat jy daarop kan<br />
sien.<br />
WEERVOORSPELLING<br />
5 Februarie 2007<br />
Kaapse Skiereiland, die Boland en die Overberg<br />
Bewolk en matig met motreën, maar later miskolle wat opklaar oor die Skiereiland. Wind<br />
matig tot taamlik sterk suidwes tot suid. Die maksimum temperatuur by Kaapstad<br />
internasionale lughawe sal sowat 24 grade C wees.<br />
Gauteng<br />
Gedeeltelik bewolk en baie warm met enkele donderbuie.<br />
Vrystaat<br />
Bewolk en baie warm en verspreide donderbuie.<br />
KwaZulu-Natal<br />
Warm en bedompig.<br />
36
Die weer in Beeld<br />
Windhoek<br />
08/27 S<br />
Walvisbaai<br />
10/20 S,M<br />
15<br />
15<br />
<br />
<br />
40<br />
<br />
Keetmanshoop<br />
08/27 S<br />
Springbok<br />
07/17 Gb, M<br />
Calvinin<br />
06/16 Gb<br />
Kaapstad<br />
11/18 B, Lr<br />
Upington<br />
04/24 S<br />
Worcester<br />
11/19 B, Lr<br />
Kimberley<br />
03/23 S<br />
20<br />
<br />
Beaufort-Wes<br />
08/20 Gb<br />
George<br />
09/18 B<br />
Klerksdorp<br />
06/27 S<br />
<br />
<br />
<br />
<br />
0-10°C 11-15°C 16-20°C 21-25°C 26-30°C 31-35°C 36-40°C Bo 40°C<br />
30<br />
25<br />
Welkom<br />
06/23 S<br />
Ellisras<br />
09/33 S<br />
Bloemfontein<br />
02/20 S<br />
Cradock<br />
05/21 Gb<br />
25<br />
10<br />
Vereeniging<br />
08/28 S<br />
Bethlehem<br />
03/21 S<br />
Pietersburg<br />
09/30 S<br />
Pretoria<br />
09/30 S<br />
Jhb<br />
07/27 S<br />
<br />
Umtata<br />
08/22 Gb<br />
35<br />
Oos-Londen<br />
12/21 B<br />
Port Elizabeth<br />
11/29 B<br />
Messina<br />
10/34 S<br />
20<br />
<br />
Phalaborwa<br />
03/32 S<br />
Ermelo<br />
08/23 S<br />
Ladysmith<br />
09/21 S<br />
Pmb<br />
12/21 Gb<br />
Durban<br />
15/22 B<br />
S<br />
Gb<br />
B<br />
Lr<br />
D<br />
R<br />
M<br />
Sn<br />
Nelspruit<br />
11/30 S<br />
son<br />
ged.bewolk<br />
bewolk<br />
ligte reën<br />
donderbuie<br />
reën<br />
mis<br />
sneeu<br />
Opdrag<br />
1. Stel jou eie weerskema vir môre se weer op. Gebruik van die volgende woorde:<br />
matig motreën later<br />
miskolle opklaar matig<br />
taamlik sowat grade<br />
gedeeltelik enkele bedompig<br />
bewolk<br />
maksimum temperatuur<br />
verspreide donderbuie<br />
2. Skryf kort aanwysings vir een van die volgende:<br />
Hoe om:<br />
• ‘n wegloopvoertuig tot stilstand te bring<br />
• ‘n reuse toebroodjie te maak<br />
• ‘n druif af te skil<br />
• spaghetti te eet<br />
• vir ‘n dag lank gelukkig te wees.<br />
37