Lees Hannes se kortverhaal hier. - George Herald

“Dis omdat dit eers Vrydag all-pay is, die mense se sakke is leeg,” antwoord die ander
een sonder om op te kyk van die sms wat hy besig is om te tik.
“Ja, en die bottels is leeg, maar die naweek hardloop ons weer soos mal hoenders...”
Die deur van die aanklagkantoor word oopgestoot. ‘n Bejaarde man stap stadig tot by die
toonbank. Sy baadjie is vol donker vlekke, in een hand dra hy ‘n Shoprite-sak.
“Molo bawo.” groet die konstabel.
“Molo mhlekazi” kom die teengroet. “My naam is Zolani Khoza, ek is die pa van
Nomzwakhe Khoza, ek is die oupa van Nwabisa Khoza en die mense moet weet dit is
nou verby.” en hy sit die plastieksak voor die polisieman op die toonbank neer.
Die konstabel staan effens terug “Wat is hierdie?”
“Kyk, jy sal sien.”
Die ander polisieman stap nuuskierig nader as die eerste een die sak versigtig oopmaak.
Saam loer hulle in. In die sak lê, bedek met bloed, ‘n ligbruin cowboyhoed en ‘n handbyl
met ‘n houtsteel.