Wispelweagen - Mei 2013 - Jaargang 42 - Terwispel
Wispelweagen - Mei 2013 - Jaargang 42 - Terwispel
Wispelweagen - Mei 2013 - Jaargang 42 - Terwispel
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Wispelweagen</strong> Januari <strong>2013</strong><br />
Henkie fan de Polderdyk<br />
Koarte ferhalen - Diel II<br />
Swimme,<br />
Sa njonkelytsen ha de trije âldste bernsbern harren A en B swimdiploma helle. Der is sels al<br />
ien dy’t C al helle hat<br />
No binne wy dêr earst wer in skoftsje ôf, om’t de earstkommende lichting noch efkes op<br />
harren wachtsje lit.<br />
Foar de bern is it diploma wichtich, mar foar de âldelju is it noch folle wichtiger. Hja kinne de<br />
bern no wat mear romte jaan yn de omjouwing fan wetter.<br />
Foar de bern is it diploma wichtich, mar binne de kadootsjes dochs it wichtichste. Want ik kin<br />
jo fertelle dat der kado’s oansleept wurde. Faaks is it guod op it mêd fan ’e elektroanika. Jo<br />
steane der fersteld fan hoefolle “nintendospultsje” op sa’n dei kado jûn wurde.<br />
Ek hiele grutte kado’s wurde der jûn. Der wie sels ien dy’t tsjin harren famke sei: “Jou cadeau<br />
staat achter in de auto, kom maar kijken wat het is” It famke gie mei. No kin soks meardere<br />
dingen betsjutte: As der is in hiel grut kado, wêrtroch de efterflap fan de auto kwealik ticht<br />
koe, as der is in lyts kadootsje en wolle se net ha dat it famke de konfrontaasje oangiet mei<br />
al dy djoere elektroanika. Yn ’t slimste gefal soe it ek noch in jonge hûn wêze kinne. Dy hat<br />
dan de hiele tiid efter yn ’e auto sitten en op syn moaist hat er de saak der ek noch flink<br />
ûnder skiten. Ik kin it jo net fertelle, want it famke en har heit en mem ha we net wer sjoen.<br />
De iene hat no ien kear mear sinten yn ’e bûse dan de oare. Ik freegje mei wolris ôf wêr’t it<br />
hinne giet. Wat foar kado’s moatte de bern aanst hawwe as se harren diploma op skoalle<br />
helje, as jo foar it swimdiploma al in “nintendo” krije.<br />
Ek pake en beppe kinne hjiryn net efter bliuwe en moatte ek alle kearen wer ta de bûse. It<br />
komt by de trije âldste bernsbern wol hast alle kearen tagelyk. Want doe’t de dochter op in<br />
moarn by ús kaam, en ús fertelde dat wy pake en beppe wurde soenen, fûn ik dat sa<br />
prachtich, dat ik harren fuortdaliks in bernewein tasein ha. Deselde deis kaam ús jongste<br />
soan ek mei it ferhaal dat syn frou swier wie. Dy koenen wy doe ek net teloarstelle. Mar as<br />
dan in pear dagen letter ús âldste soan ek mei itselde ferhaal komt, kinne jo wol neigean dat<br />
de âld sok mei alle swarte sinten - dy’t de oansteande beppe en pake byminoar garre hienen<br />
- yn ien kear leech wie. Mar jo moatte ek samar tinke, jo kinne it better mei de waarme hân<br />
jaan, dan mei de kâlde.<br />
Us eigen trije bern – dy’t ek hast like âld binne – hawwe ek suver tagelyks harren A en B<br />
diploma helle. Ik wit net mear as se doe fan ús en harren pakes en beppes ek grutte kado’s<br />
krigen ha. Ik leau fêst dat Geartsje doedestiids wol wat regele hat, mar mâl sil it wol net west<br />
ha. Dat wie doe wurk foar de memmen, de heiten bemuoiden harren der net mei. Ik kin it my<br />
ek net mear heuge dat ik ea in kear mei de bern nei swimles west ha. <strong>Mei</strong> it<br />
diplomaswimmen gie ik wol alle kearen mei, alhoewol it my soms mar min útkaam. Dat is<br />
noch neat feroare, want ik ha no ek wer âlden sjoen dy’t wol gauris op harren klokje seagen<br />
en dan wer in sucht lieten. <strong>Mei</strong> oare wurden: It mei wat my oanbelanget no sa stadichoan wol<br />
ôfrûn wêze, want ik ha thús ek noch wol wat te dwaan.<br />
Pagina 35