Uitgeverij Verloren - Holland Historisch Tijdschrift

Eer en schande van Floris V
boekte hij succes. In de Rijmkronieklezen we hoe in een briljante amfibische operatie de West­
friezen bij Hoogwoud werden verslagen, waarop de graaf het lichaam van Willem II wist op te
sporen. De manier waarop dat gebeurde, en de daaropvolgende gebeurtenissen beschrijft
Melis Stoke in gloedvolle bewoordingen als volgt:
De coninc hadde XXVII jare
Begraven gheweest te Hoechoutwoude;
Dat ne wiste jonc noch oude
Dan si viere, ende niet mere,
Waer begraven was de here.
Daerof was bleven dene doot,
Dandre dre dor lives noot
Waren ghelopen in de kerke;
Anders ne waren pape noch clerke
Die twe sloeghen de boeven doot.
De derde bat ghenaden groot
Ende riep: 'Edel gravekijn,
Laet mi behouden tleven mijn;
Ic salt doen, du moghest prisen,
Den coninc dinen vader wisen.'
Van deen woerde wart hi verblijt
Ende gaf hem op sijn lijf tier tijt.
Doe sprac de Vrese te hem waert:
'In dit huys, achter den haert,
So suldi den coninc vinden,
Dat wil ic mi in verbinden
Ende mijn lijf setten te pande.'
Doe namen si spaden inde hande
Ende dolven II mans langhe diep.
Die onder stont opwaert riep:
'Hier ligghen grote balken onder!'
Die Vriese sprac: 'Dan es gheen wonder.
Heft se op, al wort u te pine;
Daer leit de coninc in een scrine.'
Teerste dat si ter scrine quamen
Ende tghebeente daer vernamen,
Spraken si; 'Grave, edel here,
Nu seit blide vorwaert mere;
Wi hebben uwen vader vonden!'
Die grave sprac in corten stonden:
'Des moete God ghelovet zijn!'
Thoeft nam hi inde handen sijn
Ende dancte Gode ende onser Vrouwen:
'Dat ic so vele dus mach scouwen
Van den vader, de mi ghewan!'
Tehebeente van den hoghen man
3