NW Nuus 1 - Landbou.com
NW Nuus 1 - Landbou.com
NW Nuus 1 - Landbou.com
Create successful ePaper yourself
Turn your PDF publications into a flip-book with our unique Google optimized e-Paper software.
Ploeg jy jou rande in die grond in?<br />
Eric Louw, <strong>NW</strong>K <strong>Landbou</strong>bestuursdienste<br />
Voordat op ’n geskikte bewerkingstelsel besluit word, is dit uiters<br />
noodsaaklik om kennis te neem van die grondtipe en ander faktore in<br />
die stelsel, soos klimaat, terrein, gewas en implemente. Die sukses van<br />
’n bewerkingspraktyk is ’n interaksie tussen hierdie faktore en sal van<br />
een gebied of land na die ander verskil.<br />
Die doel met grondbewerking moet primêr wees om die bestaande struktuur<br />
van die grond te behou of om swak struktuur te verbeter. Grondbewerking<br />
moet ook daarop gemik wees om waterinfiltrasie te optimaliseer, om<br />
verdamping te verminder, grondtemperatuur te manipuleer, gronddiepte of<br />
effektiewe worteldiepte te verbeter en dus wortelontwikkeling te bevorder.<br />
Bewerkingsmetodes beïnvloed die ontkieming van saad en wortelgroei<br />
deurdat grondtemperatuur gemanipuleer kan word en verdamping verminder<br />
kan word sodat daar op die optimale plantdiepte geplant kan word vir vinniger<br />
ontkieming van die gewassaad. Die soort bewerking beïnvloed ook die<br />
kwesbaarheid van die grond vir wind- of watererosie. Bogrond met ’n fyn<br />
struktuur is vatbaar vir altwee hierdie soorte erosie, terwyl gronde met ’n<br />
growwe struktuur meer stabiel is en minder erosiegevoelig is. Verkeerde<br />
bewerkings kan tot fisiese, chemiese en biologiese degradasie van grond lei.<br />
Grondbewerking kan verdeel word in primêre en sekondêre<br />
bewerkingsaksies. Primêre grondbewerking het die regstelling van fisiese<br />
beperkings soos ploeglae, die verbetering van waterindringing en die<br />
vermenging van plantvoedingstowwe en ameliorante soos gips en kalk ten<br />
doel. Die doel van sekondêre bewerkings is die voorbereiding van ’n gunstige<br />
saadbed deurdat onkruide vernietig word, plantvoedingstowwe ingemeng en<br />
goeie kontak tussen die saad en die grond bewerkstellig word.<br />
VOOR- EN NADELE VAN GRONDBEWERKING<br />
Voordat die boer op ’n geskikte bewerkingspraktyk besluit moet hy eers die<br />
voor- en nadele van die voorgenome bewerkingsmetode oorweeg. Enkele<br />
voor- en nadele word uitgelig:<br />
Voordele<br />
• Skoonbewerking vernietig / begrawe peste wat in die grond oorleef,<br />
soos kopvrot by mielies en snywurm.<br />
• Dit vermeng plantvoedingstowwe in die grond, soos fosfaatkunsmis<br />
wat onbeweeglik is.<br />
• Dit deurlug die grond.<br />
• Dit stel verdigtingslae reg.<br />
• Dit beheer die meeste vlak ontkiemende onkruide en jong onkruide.<br />
• Dit vergemaklik sekondêre bewerkingspraktyke, soos<br />
saadbedvoorbereiding.<br />
•
Nadele<br />
• Gedurende grondbewerking met ’n rysterplaatploeg word die bogrond<br />
teen die skaar opgestoot en tuimel dit van bo af terug. Die vrugbare<br />
humusryke bogrond word begrawe. Die ondergrond is gewoonlik hoër<br />
in klei en laer in humus, wat tot die vorming van oppervlakkorse kan lei.<br />
Indien die grond brak is, loog die natrium dieper in die grond in. Die<br />
omkeeraksie van die skaarploeg bring die dieper natrium na bo, laat die<br />
bogrond dispergeer en gevolglik raak die erosiegevaar al groter.<br />
• Gedurende bewerking word suurstof in die grond ingewerk, wat tot die<br />
versnelde oksidasie van organiese materiaal lei. Hierdeur gaan<br />
waardevolle organiese materiaal verlore wat verder kon verrot om<br />
humus en organiese verbindings soos humien- en fulviensure te vorm.<br />
Dit kon die struktuur van die grond stabiliseer en vrugbaarheid verhoog.<br />
Organiese materiaal, wat baie belangrik is in die voorkoming van wind-<br />
en watererosie, gaan dus verlore. Plantvoedingstowwe – veral stikstof<br />
en swael – verminder weens bewerking en die grond raak progressief<br />
armer.<br />
• Sekere onkruide word deur bewerkingstelsels versprei. Onkruide wat<br />
goed aangepas is om vegetatief te versprei, soos die bolletjies van<br />
uintjies, risome van kweekgras en lote van wandelende jood, word<br />
effektief deur implemente versprei. Sade van onkruide, soos<br />
duwweltjies, steek in trekkerwiele en versprei na ander lande.<br />
• Kompaktering van grond deur swaar implemente en bewerking by<br />
verkeerde voginhoude lei tot die vorming van ’n verdigte laag ongeveer<br />
20 cm tot 30 cm onder die grondoppervlak, die sogenaamde ploegbank.<br />
Hierdie laag verminder die diepte wat wortels kan indring. Water en<br />
plantvoedingstowwe wat dieper in die grondprofiel is, is dus nie vir die<br />
plant beskikbaar nie.<br />
BESTUURSPLAN VIR GRONDBEWERKING<br />
Nadat die boer die voor- en nadele van bewerking vergelyk het, moet hy ’n<br />
bestuursplan vir sy spesifieke boerdery se grondbewerkings uitwerk. Die<br />
volgende vrae kan as riglyne dien:<br />
• Wat is die grond se klei-inhoud?<br />
• Is daar enige beperking wat wortelontwikkeling sal verhinder en op<br />
watter diepte kom die beperking voor?<br />
• Is daar ’n groot onkruidprobleem?<br />
• Is daar sigbare wind- of watererosieskade?<br />
• Moet ameliorante toegedien word?<br />
• Wat is die tipe en grootte van die saad wat geplant gaan word?<br />
• Is dit ’n oorlêland waar vog bewaar moet word?<br />
• Wat is die gemiddelde worteldiepte van die gewas wat geplant gaan<br />
word?<br />
• Hoe sal die bewerkingspraktyk die boerderywins beïnvloed? Die<br />
vertakkingsbegroting moet moontlik weer onder oë geneem word om<br />
die gelykbreekpunt van verskillende opsies te oorweeg.<br />
IMPLEMENTE VIR PRIMêRE EN SEKONDêRE BEWERKING<br />
• Rysterplaatploeë: Hierdie implement begrawe onkruidsaad en<br />
oesreste diep in die grond, deurlug die grond beter, vernietig gronde se
struktuur verder, bevorder winderosie en word aanbeveel op swaarder,<br />
goed gestruktuurde gronde.<br />
• Skottelploeë: Die smeeraksie is minder, dit dring beter in onder droë<br />
en harde toestande, het minder slytasie as rysterplaatploeë en die<br />
grond word fyner opgebreek. Dit word nie vir sanderige gronde<br />
aanbeveel nie.<br />
• Beitelploeë: Dit maak die grond tot op 250 mm redelik goed los, lewer<br />
die beste resultate as die grond redelik droog is en vorm<br />
struktuureenhede. As die grond te droog is, vorm dit groot kluite wat<br />
die vestiging van saailinge kan benadeel.<br />
• Skeurtandbewerking (rippers): Dit word gebruik wanneer ’n diep<br />
bewerking nodig is en die grond nie omgekeer moet word nie. Die grond<br />
kan baie los wees na bewerking, wat nadelig kan wees vir kontak tussen<br />
die saad en die grond.<br />
• Skoffeleg: Werk goed in ruwe grondtoestande. Dit verseker ’n<br />
onkruidvrye en fyn saadbed.<br />
• Snyeg en kontrasnyeg: Dit lewer ’n gelyke saadbed, word vir die sny<br />
van oesreste in korter hanteerbare stukke gebruik, vernietig jong<br />
onkruid en opslag en breek die grond baie fyn op.<br />
BEWERKINGSTELSELS<br />
Die verskillende bewerkingstelsels het elk sy voor- en nadele. Om op ’n<br />
geskikte bewerkingstelsel vir ’n spesifieke plaas en omstandighede te besluit,<br />
is dit noodsaaklik om die volgende te oorweeg:<br />
• Geenbewerking: Die brandstofrekening is heelwat laer as met ploeg,<br />
daar kan betyds geplant word, die opbou van humusvlakke van grond<br />
is moontlik, wortelsiektes word beperk, arbeidsbehoefte is minder,<br />
vermeerdering van voordelige mikrobes in die grond vind plaas,<br />
boerderybestuur moet uitmuntend wees, kalk- en fosfaattoedienings<br />
kan nie in die grond ingemeng word nie, daar bestaan ’n groter uitgawe<br />
aan landbouchemiese middels en duur nuwe of aangepaste planters is<br />
nodig.<br />
• Deklaagbewerking: Grondverdigting kan beter beheer word wanneer<br />
diep skeurploegbewerkings uitgevoer word, die brandstofverbruik is<br />
laer as met ploeg, wind- en watererosie word beter beheer, beter<br />
onkruidbestryding is moontlik, plantsiektes en peste word moeiliker<br />
beheer en grondvoorbereiding kan nie altyd tydig uitgevoer word nie.<br />
• Minimumbewerking: Brandstofverbruik is laer as met ploeg, winderosie<br />
is minder, bestryding van onkruid en insekte is makliker en plantsiektes<br />
kom meer dikwels voor.<br />
• Skoonbewerking: Goeie onkruid- en insekbestryding is moontlik, goeie<br />
deurlugting van die grond vind plaas, dit is baie duur, die intensiewe<br />
bewerking lei tot agteruitgang van die grond en verlaag dus ook die<br />
potensiaal vir gewasproduksie op die lang termyn, dit veroorsaak<br />
verdigtingslae direk onder die bewerkingsdiepte, dit veroorsaak vinnige<br />
afbreek van organiese materiaal en sodoende ’n verlaging van die<br />
grond se vrugbaarheid.<br />
In TABEL 1 is ’n vergelyking van ’n paar aspekte betreffende die verskillende<br />
bewerkingstelsels.
SAMEVATTING<br />
Om ’n geskikte bewerkingstelsel te kies is en bly ’n moeilike besluit. Die<br />
belangrikste faktor om in ag te neem is die omstandighede op die<br />
spesifieke plaas. Bogenoemde omstandighede sluit faktore in soos die<br />
grondtipe, klimaat, terrein, implemente en gewas wat geplant gaan word.<br />
Die produsent moet in gedagte hou dat die grondekosisteem met die tipe<br />
bewerking wat hy uitvoer gaan verbeter of verswak. Die bewerkingstelsel<br />
wat gekies en toegepas gaan word behoort die bewaring van grond as<br />
natuurlike hulpbron ten doel te stel.<br />
Die algemene tendens in die landbou is om weg te beweeg van<br />
skoonbewerkingstelsels na stelsels van verminderde of geenbewerking.<br />
Bogenoemde is as gevolg van die hoë brandstof- en meganisasiekoste<br />
verbonde aan skoonbewerking en die gepaardgaande voordele vir<br />
gewasverbouing in die grond ten opsigte van verminderde of<br />
geenbewerking.<br />
BRONNELYS<br />
Brady NC, 1994. The Nature and Properties of Soils, 9th edition. Prentice<br />
Hall, London.<br />
Van der Watt HvH & Van Rooyen TH, 1995. A Glossary of Soil Science. 2nd<br />
Edition. The Soil Science Society of South Africa, Pretoria.<br />
Gepubliseer in Noordwes <strong>Nuus</strong>, Julie/Augustus 2010, <strong>NW</strong>K Bpk, Lichtenburg<br />
TABEL 1: Vergelyking tussen verskillende bewerkingstelsels.<br />
SKOONBEWERKING<br />
(KONVENSIONEEL)<br />
a. Grondstruktuur:<br />
Bewerking in nat grond vorm<br />
harde blink sooie.<br />
Bewerking van droë grond laat die<br />
grond verpoeier.<br />
Grondstruktuur word vernietig.<br />
b. Porievolume:<br />
Swaar implemente veroorsaak ’n<br />
ploegbank. Makroporieë gaan<br />
verlore en die porievolume neem<br />
af.<br />
c. Voedingstatus:<br />
DEKLAAG- / VERMINDERDE /<br />
GEENBEWERKING<br />
Weens die organiese<br />
materiaalinhoud wat verhoog,<br />
verbeter die struktuur.<br />
Organiese materiaal hou die<br />
struktuur in stand en verhoog<br />
die weerstand teen verdigting.<br />
Die makroporieë en porievolume<br />
bly in stand.<br />
Aerobiese (suurstofryke) Organiese materiaal beskerm
toestande ontstaan en mikrobes<br />
floreer. Reserwe- organiese Nbronne<br />
word omgesit na<br />
anorganiese N-bronne wat<br />
verbruik word. Derhalwe verlaag<br />
die voedingstatus.<br />
Weens erosie waai of spoel die<br />
vrugbare kleifraksie weg en die<br />
voedingstatus verlaag.<br />
d. Temperatuur:<br />
Die plantbedekking op die<br />
grondoppervlak verminder. ’n<br />
Groot verskil tussen dag- en<br />
nagtemperature ontstaan in die<br />
boonste grondlae, wat ontkieming<br />
van saad beïnvloed.<br />
e. Verdigting:<br />
Weens die laer organiese<br />
materiaalinhoud is die struktuur<br />
onstabiel en is die weerstand teen<br />
vervorming laag. Verdigting /<br />
ploegbank kom vinniger / meer /<br />
makliker voor.<br />
die boonste grondlaag teen<br />
wind- en watererosie. Die<br />
vrugbare kleifraksie gaan nie<br />
verlore nie. Organiese<br />
materiaal komposteer en<br />
verhoog die voedingstatus.<br />
Grond kan tot 100% met<br />
plantmateriaal bedek wees. Die<br />
boonste grondlaag is koeler in<br />
die somer en warmer in die<br />
winter. Kleiner verskille tussen<br />
temperatuuruiterstes.<br />
Tandimplemente word gebruik –<br />
min verdigting /<br />
ploegbankvorming kom voor,<br />
hoewel die bogrond weens<br />
onbeheerde trekkerspore erg<br />
kan verdig. Organiese materiaal<br />
hou die struktuur in stand en<br />
verhoog die weerstand teen<br />
verdigting.