Om Henk van de Graaf se lewensloop en persoonlike ... - VVK

Henk Henk van van de de Graaf Graaf
Posbus 732 Tel 012 804-8031
Rayton Faks 086 693 8001
1001 Sel 083 4118229
Die Voorsitter
Volksraad Verkiesing Kommissie
Pretoria
Beste Paul
PAARDEKRAAL BYEENKOMS: 17 FEBRUARIE 2011
17 Februarie 2011
Dra asseblief my verskoning aan die Volk oor vanaand by Paardekraal. Tog
wil ek hierdie as ‘n boodskap in jou hande gee, om daarmee te handel na
goeddunke: jy kan dit voorhou of weerhou.
Soos ek in ‘n private skrywe aan jou al aangedui het, gaan my kandidatuur vir
die Volksverkiesing van baie lae profiel wees. Dit stuit my teen die bors om
myself te moet poleer sodat die Volk dalk van my moet hou en my dan moet
kies bo ander wat dan noodgedwonge sou uitval en dalk selfs beter toegerus
is vir die eise wat gestel gaan word.
Voorts wil ek nie betrokke raak by moontlik verdelende debatte oor
persoonlike standpunte oor grondgebied, ‘n vlag of bepaalde godsdienstige
kwessies nie. Vir my gaan dit oor die enkelvoudige standpunt: ONS VOLK
MOET WEER VRY WEES. Ons volk is te klein om verdeeld te wees. Die
Grondwetskrywende proses is ‘n aparte oefening later, waarin baie van dié
kwessies aangespreek sal word. Die Volksverteenwoordigers wat nou gekies
moet word, het wat my betref net een mandaat: sorg dat ons reg op vryheid,
wêreldkundig gemaak word, en dwing daardie reg af op die owerheid wat ons
nou verdruk. As ek die vryheid kon steel, sou ek dit ook doen, want ons hoef
nie eerbaar op te tree teen ‘n terroristebende wat ons oneerbaar behandel en
van ons regte en land beroof nie. Dit is die enigste mandaat wat ek tans sal
aanvaar dus, naamlik om die beginsel van vryheid erken te kry, op welke
wyse dit ook al bekom kan word. Daarna sal die fynere besonderhede
uitgewerk word.
Meer as dit het ek nie te sê nie. Wat meer gesê word, kan weer in
partyskappe ontaard waarvoor ek angswekkend wegskram.
Wat ek doen en waarmee ek besig is, is ‘n ope boek, al van my skooldae af,
toe ek ‘n openlike HNP-rebel was, dikwels teen my onderwysers se
standpunte in. Op Kovsie-kampus het ek die Hans Strijdom Jeugtak van die
HNP gestig, by die Spoorwegpolisiekollege was ek aanvoerder van ‘n
rebellegroep wat in 1981 geweier het om aan ‘n rasgemengde

Republiekfeesvertoning deel te neem. Later is ek uit die SA Polisie se
reserviste verdryf omdat ek streekverteenwoordiger was van die Blanke
Bevrydingsbeweging (BBB) van prof. Johan Schabort. My brief aan die
destydse kommissaris van polisie, genl. Hennie de Wit, was dat hy nie moeite
hoef te doen nie: ek sal self as reservis bedank. As hy my as openlike BBBlid
nie wil hê nie, is hy welkom om voort te gaan met die geheime knoeiers
van die Vrymesselary en die Broederbond. Ek was nooit en is tans ook nie lid
van enige geheime of sogenaamd vertroulike organisasie nie: nie van die
Vrymesselaars of enige van sy tentakels soos die Lions, Rotariërs of
dergelike nie; ook nie van die Broederbond of Afrikanerbond, soos hy nou
bekendstaan nie; ook nie van Toekomsgesprek of sy opvolger Volksbond nie.
U sal my net in openlike en deursigtige organisasies en instellings vind, waar
daar geen geheime agendas sirkuleer nie, en waar my vryheidsideaal leef, of
ten minste nie verberg of versmoor word nie.
Dit is my eerste, laaste en enigste boodskap totdat die VVK-verkiesing
afgehandel is. Ek het niks om by te voeg nie, maar sal hiervan ook niks
wegneem nie.
My mede-kandidate wens ek alle voorspoed toe. Ons is nie opponente nie:
ons moet mekaar ondersteun en dra. Ek hoop dat elkeen van u meer stemme
as ekself sal kry, en dat u dan ons vryheid, volledige onafhanklikheid in eie
staat, onder ‘n eie grondwet, met ‘n eie vlag, onder die Oppergesag van God
en Sy Gebod, vir ons sal kry. Sou dit so wees dat ek deel daarvan moet
wees, sal ek my beste, ja, my alles daarvoor gee en met niks minder as dit
tevrede wees nie.
Mag God hierdie proses seën, mag Hy ons volk seën met vryheid, en mag Hy
elkeen wat eerlik daaraan meewerk, seën deur saam daardie vryheid binne te
kan gaan!
Henk van de Graaf