KOERS Augustus 2011 - Die Hervormer
KOERS Augustus 2011 - Die Hervormer
KOERS Augustus 2011 - Die Hervormer
Create successful ePaper yourself
Turn your PDF publications into a flip-book with our unique Google optimized e-Paper software.
17<br />
fatalisme. Met ons rede en verstaan poog ons om mens en God, dood en lewe as die groot proses te verklaar.<br />
Maar al ons berekeninge, al ons ontwerpe, ons verklarings eindig in die nietigheid. Ons moet erken, dat om ons,<br />
aan ons en in ons is daar geen redding, geen verlossing nie, geen uitkoms uit die verganklikheid nie.<br />
Ons nood is totaal. Teenoor die verganklikheid antwoord God.<br />
Alleen God kan aan ons die regte uitsig gee op dit wat ons lewe in die graf intrek.<br />
Hiervan berig Paulus. Teenoor die absolute verganklikheid verkondig hy die heerlikheid wat kom.<br />
Martin Luther het dit so gestel: "Kyk hoe draai die apostel sy rug op die wêreld en rig hom op die komende<br />
openbaring; hy sien die wêreld verlos van alle nood en teleurstelling, gevul met skitterende vreugde. Kyk hoe perk<br />
hy die wêreld in in 'n enkele druppel, in 'n flitsende vonkie in, terwyl die heerlikheid uitdy tot 'n magtige oseaan, 'n<br />
vuur van vlamme."<br />
In ons verganklikheid, te midde van lyding en dood rig die apostel ons op iets buite die mens, buite ons ruimte en<br />
tyd. Hy rig ons op God. Wat God doen, wat God sê is vir ons 'n anker in ons swaar tye, in ons lyding. Dit is hoe ons<br />
perspektief kry.<br />
Geliefdes, die basis, die fondament waarop die apostel ons rig hoor u in vers 28-30. Dit sluit aan by vers 18 en<br />
vorm die hoogtepunt van Paulus se uiteensetting. In die besonder klink dit in vers 29:<br />
'Dié wat Hy lank tevore verkies het, het Hy ook bestem om gelykvormig te wees aan die beeld van sy Seun, sodat<br />
sy Seun baie broers kan hê van wie Hy die eerste is. '<br />
<strong>Die</strong> anker wat hier aan ons gebied word ken ons as die leerstuk van die uitverkiesing en die predestinasie. Van<br />
die uitverkiesing en die predestinasie het die Geneefse <strong>Hervormer</strong>, Johannes Calvyn, opgemerk: Dit is 'n hoë en<br />
heilige misterie. En tog dien die leerstuk ons lewe, dit dien tot troos vir die gelowige.<br />
Waarom? Hoe dien dit vandag tot troos? Deur dié woorde word ons alleen gerig op dit wat God weet wat God<br />
besluit en wat God doen. En nou mag ons deur en in Jesus Christus hoor dat God ons verkies het, dat Hy ons sy<br />
kinders maak en ons verheerlik. Dat ons voorwerp is van God se liefde.<br />
<strong>Die</strong> apostel het nie net in die vorige verse hierna verwys nie, maar lei dit nou tot 'n hoogtepunt. Vooraf het hy<br />
gewys na die heerlikheid van God, die heerlikheid waar ons as kinders van God na uitsien. <strong>Die</strong> heerlikheid en die<br />
kindwees van God word parallel gestel. Met kindskap beklemtoon die apostel ons erfgenaam-wees van dit wat God<br />
beskik. <strong>Die</strong> vraag is: Wat is ons erfporsie, wat is die heerlikheid waaraan ons in Christus deel het? Dalk moet ons<br />
opnuut luister na die Apostoliese geloofsbelydenis: ’... ek glo in die wederopstanding van die vlees’.<br />
Ons kan dit alleen bely, omdat Christus uit die dood opgestaan het. <strong>Die</strong> nou verbintenis tussen ons en Christus,<br />
die Eersteling uit ons wat volg, dui op ons verbintenis nie net in lyding nie, maar ook in heerlikheid. Ons is met<br />
Christus erfgenaam, ons deel met Hom nie net lyding nie, maar oor heerlikheid, opstanding en God se ewige<br />
teenwoordigheid.<br />
Dit het ons alreeds. Dit is nou 'n sekerheid, omdat God die begin daarvan was en dit sal so wees, omdat Hy ook<br />
die einde daarvan sal wees. <strong>Die</strong> heerlikheid wat die Here aan ons skenk is nie net verlossing van die dood en ons<br />
opwekking uit die graf nie, maar ook die verheerlikte liggaam, die liggaam sonder sonde en dood.<br />
Geliefdes, let egter hierop: Dit is nie die mens se keuse; die mens se wil wat geld nie. Nee, ons het reeds gewys<br />
op die totaliteit van ons verdorwenheid. Karl Barth het dit in sy kerklike dogmatiek so verwoord: Alleen waar ons<br />
magteloos is, ontdek die mens God se almag; waar ons radeloos is, openbaar God sy raad; waar ons geen woorde<br />
het nie, skenk God sy Woord.<br />
So het prof Engelbrecht ook sy teologie beoefen en per geleentheid van die Dortdse Leerreëls geskryf: " ... dat<br />
ons uit onsself nooit uit ons diepste nood, sonde en strafwaardigheid voor God kan kom nie, maar dat God in Jesus<br />
Christus gedoen het wat ons nooit kan doen nie, naamlik dat Hy ons in Jesus Christus vergewe en uit ons nood<br />
verlos. "<br />
Dit is nie die keuse van die mens wat na heerlikheid lei, wat die mens tot kind van God maak nie, maar God se<br />
keuse vir die mens. God se keuse wat die verlede voorgaan, wat ons historiese nou deurdring en ons toekomstige<br />
ewigheid beskik. Van begin tot einde is die God se wil, God se keuse wat ons dra. Dit doen God vanweë sy liefde.<br />
<strong>Die</strong> mens, ons is die voorwerp van God se liefde, al sien ons Hom nie, Hy sien ons. En hierin is ons troos geanker,<br />
God roep ons, Hy kies ons, Hy lei ons om ewig in sy teenwoordigheid te verkeer soos sy Seun in sy ewige teenwoordigheid<br />
verkeer. Dit is die heerlikheid waarop die apostel ons rig.<br />
Maar geliefdes, waarom kies God ons? Waarom wil Hy ons begin en einde wees?<br />
<strong>Die</strong> hoogtepunt, die uiteindelike doel vind ons hierin:... sodat sy Seun baie broers kan hê van wie Hy die eerste is.<br />
17