download - Rene van Maarsseveen

96
ende zaelich die daer ghelooft hebt ghy
vvant die dynghen vanden heere ghesproken claer
zullen worden warachtlick vulbrocht in dy
en maria die heeft ghesproken der naer
20 Myn ziele maect groot den heere voorwaer
ende mynen gheest die heeft vroylick ghezyn
in god myn zalicheyt / want hy heeft openbaer
doetmoedt anghezien / zynder dienstmaeghts aenschyn
dies huut desen ziet / zullen my vp elck termyn
25 zaelich zegghen alle gheslachten Eersame
vvant groote dynghen heeft hy my ghedaen fyn
die daer machtich end helich es in zyn Name
En zyn bermherticheyt es van gheslachte gheacht
den ghuenen die hem willen vreesende wesen
30 in zynen Aerme heeft hy ghedaen Cracht
end heeft verstroyt die houeerdeghe bouen desen
in die ghedachten / huerlieder herten mespresen
vanden stoel ofghestelt heeft hy de ghemoede
doetmoedighe / die heeft hy verhooght gheResen
+
den honghereghen heeft hij vervult met goede
en den Rycken die heeft hy thuerlieder onspoede
ghelaeten ydel naer zyn willende zeden
ysrael zyn kyndt ontfanghen heeft / als de vroede
5 ghedachtich wesende zynder Bermherticheden
ghelyck hy heeft ghesproken in deerdsche steden
tot onsen vadre Abraham / en zyn zaet bequame
inder eeuvvicheyt / hy god des paeysvul vreden
die daer machtich end helich es in zyn name
10 Prinche
En Maria die Reyne gods moedre gheEert
die bleef by elysabeth drie maenden omtrent
daer naer es zou weder thueren huuse ghekeert
dus den zin van thelich Euangelion ghehendt
15 zoot de kerstene kercke gheloouelick kendt
en zoomen dat costumelick te zynghene plach
zoo gheordonneert By tgheestelick Regiment
vp onser vrauwen visitacien dach
God der goden onsen heere die veel vermach
20 heeft dit al willen doen / Tot onser vraeme
alle dyngh brynght hy tonder met een ooghvpslach
die daer machtich end helich es in zyn Name
Eduard de Dene, Testament rhetoricael
+ 41 r