download - Rene van Maarsseveen

207
dat ghy hem hebt dancbaerich ghelooft ghedanct
O mensschen / en laet hu gheen tydt ontsprynghen
peynster omme / Eer hu de dood tleuen cranct
25 want elck naer wercken / (daert al an hanght
Daer / loon ontfanght /
Tweetste Redene / der Vreesen / Worden controleurs
tot zeuen toe / die elcken zullen Condemneren
de conscientie / Vyandeghe Temptateurs
30 de goe inghelen / zullen hem zeluen excuseren
Dat wy / van zondighen / niet en wilden cesseren
+
Alle creatueren / Aerme onnoosel mede
die veel iniurien moesten passeren
onse zonden / en gods passyen tormentelichede
zullen hu controlueren thuwer schaemten tdier stede
5 end onzaelichede
De derde Reden es / thooren der stranghe sentencie
die totten zondaers zal wesen ghepronunchiert
ghaet vermalendyde huut myn presentie
int eeuwich vier dwelck hulieden es bestiert
10 metten vyandt en zyn inglen blyft ghy ghelogiert
Dus mensschen hu Rekenynghe ghereed wilt maecken
eer hu deeuweghe dood zeer straflick hanthiert
en steltse net zonder eenich cabaesen of caecken
dat dander sentencie mach vp hu daecken
15 Daer veel naer haecken
Comt bezit end ontfanght myn ghebenedyde
het Rycke myns vaders Twelck hu was bereedt
van tbeghinsel des weerelts / Weist nv hier blyde
vvant ick was gheel naect / en ghy hebt my ghecleed
20 dat ghy myne minste weldaet / zoo ick wel weet
mensschen dit zyn christus woorden / gheen ydel historie
zyt dancbaerich Laet hu wesen dyn zonden Leed
zo mueght ghy duer christus doods victorie
als meErfghenaemen leuen ter eeuwegher glorie
25 in dhemelssche consistorie
EDel * prinche der hooghster onverghanclicxste staeten
Waert / zyt / ende blyft / in eeuwicheden almachtich
De Ontfaermeghe wercken zullen meest Baeten
De behoufteghe / ghedaen huut Charitaeten
30 Ne gheenssins die ongheloont laeten waerachtich
zyt bermhertich dies deen andren huut liefden crachtich
zoo Christus ons lief heeft ghehadt totter doodt /
* ‘EDel’: oog van ‘e’ afgeschilferd; ‘l’ geschreven in gotische cursief.
Eduard de Dene, Testament rhetoricael
+ 439 v