download - Rene van Maarsseveen

78
ierusalem en syon / Lof dyn heere dan biedt
vvant hy huwer poorten sloten / ghemaect heeft sterck
vvie vp god niet en stelt zynder herten werck
vp dat hy eere gheue / zynen name ghepresen
20 zulcken zal hy Aermoe zenden in tsweerelts Perck
end huer ghebenedyden zal vermalendydt vvesen
vvant een menssche niet ontfanghen mach / zoo vvy lesen
ten zy dat hem huten hemel ghegheuen word
vves dan die in egipten zyt neder gheResen
25 vp veel waghens ende peerden hu Betrau vpgheschort
hulpe zouckende daer broosch onverghanghelick Cort
ende niet ter ierusalemscher Consistorie
vvant tmoet zyn (dat) wie doogoden met eere gordt
Alleene zy god / Eere ende glorie
30 O god Vadre
VVie hem verheft zal worden vernedert
vvie hem vernedert verheuen zal tryumpheren
end al waer een totten hemel om vlieghen ghevedert
met Lucifer zal zulcx hooghvlieghen Cesseren
35 vvant glorie int hooghste moetmen god ordonneren
+
en ghenedert zyn / die van hem zeluen beRommen
dus betrauvvende in god / moeten wy Contempleren
dat yet om dyncken / niet van ons zeluen mach Commen
maer huut god gracygheuer der hooghster Rycdommen
5 die ons zynen goeden inghel noch zendt omtrent
die ons / die vroylick ten hemel es vpgheclommen
bequame dienaers ghemaect heeft van tnieu testament
Niet des letters verstaet / maer des gheests bekent
vvant den gheest maect Leuendich / maer de lettre dood
10 // dus ghy hooghmoedighe dit wel int herte prent
en doet in huwen zin gheen houeerdich exploot
vvilt hebben in hu woorden gheen heerschappie groot
noch begheerlick zyt naer ydel glorie voort an
houeerdicheyt / es tbeghinsel der zonden noodt
15 vvant in houeerde deerste verdommenesse beghan
end al waert dat yemandt onser vulbrynghen Can
dat ons beuolen es / By gods bescreuen Rechten
Ten baet niet / Oetmoedelicke moeten nochtan
belyden / dat vvy zyn onproffytlicke knechten
20 dus elck vville zyn handen te godewaerts vlechten * /
dat hy ons ghenese voor dhelssche Mortorie
vvy zegghen vastgheloofuich / al zoud wyr om vechten
Alleene zy god / Eere ende glorie
* Oorspronkelijk ‘vpRechten’, dat doorgehaald is; ‘vlechten /’ werd erboven geschreven.
Eduard de Dene, Testament rhetoricael
+ 30 r