download - Rene van Maarsseveen

203
en veel quaets heb ick voor huwen ooghen ghedaen
15 ziet in onduechden Bem ick ontfanghen onReene
ende myn moeder heeft my in zonden ontfaen
ziet / lief hebt ghy ghehadt des waerheyts vermaen
en my ghemaect hu verborghen wysheyt openbaer
heere met ysope wilt / my bespeerssen zaen
20 end ick zal zuver worden / my wasschen der naer
end ick zal bouen der snee ghewit zyn daer
myn ghehoor zult ghy vruecht en ghenouchte gheuen
en den beendren veroetmoedicht / hem verblyden claer
keert doch hu aenschyn of / van myn zondich sneuen
25 doet alle die mesdaeden huut / By my bedreuen
en god wilt in my scheppen doch een herte Reyn
Laet in myn inghewandt eennen vpRechten gheest Leuen
quaede mensschen zal ick Leeren hu weghen Certeyn
verlost my vander bloedegher zonden Treyn
30 god die zyt myns zaelicheyts god bevonden
end als ghy metten viere vonnessen zult tsweerelts pleyn
Vonnest my Naer hu ghenaeden / niet naer myn zonden /
+ Tot hu heb Ick myn ziele vpgheheuen noch
myn god vp hu heb ick gheel myn betrauwen
Laet my niet worden beschaemt / dat bid ick doch
dat myn bespottende vyanden my niet verflauwen
5 gheen beschaemtheyt / zullen hu belyders anschauwen
hu voetsteppen leert my / wyst my huwe weghen
myn god myn zaelichmaecker / toevlucht in Rauwen
ghedynct dies heere vp dyn ontfaermich pleghen
end vp hu ontfaermicheden tonswaerts gheneghen
10 die gheweist zyn van des weerelts beghinne
doch tghedyncken mynder zonden / houd dat verzweghen
maer om hu goetheyts wille die ick beminne
ghedynct myns met eenen ontfaermeghen zinne
bewaert myn ziele / en vergheeft my / es noch myn Bede
15 Myn zonden zyn dicke / en myn duechden zyn dinne
zyt myns ghenaedich die aerme bem / eenich mede
ghy zyt den heere mynen god des paeys en vrede
een vreeslick Liefhebber die bezouct tsvaders mesdaet
anden kyndren van int derde ten vierden Lede
20 der ghuenen / alle die hu hebben versmaet
maer doet oock met huwer bermherteghe Raedt
ouer veel duusent huwe Bermherticheyt
die hu beminnen / en wie vast gheloouende staet
en ghewillich hu gheboden houden onbeCreyt
25 duer Esayas den prophete / hebt zelue gheseyt
ick bemt zelue / die hu zonden mach hutegronden
Eduard de Dene, Testament rhetoricael
+ 437 r