download - Rene van Maarsseveen

197
Dien paulus als apostel huutvercoren vat
die zo vastgheloouelicke conste stryden
en doe gheenssins bevreest van een Ruusschende bladt
die gheloofde dit zelfde zonder vermyden
25 vvant vanden mond des leeus (zoo wildhy belyden
bem ick verlost / ende duer tsheeren practycke
van alle quaede wercken /ende tot een bevryden
Onderhouden tot zyn hemelsche Rycke /
Als hu de doodt dan comt bestoormen
30 vveist hier inne ghetroost zoo dat betame
peynst tlichaeme dat es spyse der woormen
+
maer de ziele die zal leuen duer christus name
vvant hy es ghestoruen den vadre bequame
vp dat tmensschelick gheslachte behouden blyfue
en zoo vaste beseghelt tot onser vrame
5 met zyn helighe bloedeghe wonden vyfue
Wilt dan huwe ooghen te hemwaerts vpslaen
die naer den zondaers durste ende hadde verlanghen
als hy hyngh an thoud des crucen metten aermen ontdaen
haeckende den mensschen te mueghen ontfanghen
10 dus die noch betarden dees eerdsche ghanghen
tghedyncken zynder passyen / met een verzuchten hout
thooft buught hy thuwaerts in huwe bedwanghen
met therte gheopent / om dat ghyr in vluchten zoud
Hy es den wech het leuen ende waerheyt
15 eeuwich dominateur in dhemelssche secreten
nyemandt comt totten vader in deeuweghe claerheyt
dan duer christum alleene / doet iohannes weten
Christen mensschen ghelooft dan Reyn onghespleten
zonder twyfelen eer hu den vyandt verdooue
20 vp dat hu ten hende niet worde verweten
Wat twyfelt ghylieden cleene van ghelooue
Refereyn ghemaect by my
Die eens Venus pachter // was
doe de peste tmynent by
ende oock tmynent achter // was +
Heere god bermhertich ghenaedich lanckmoedich
van grooter ghenaeden ende warachtich +
ghy die bewaert ghenaede ghewillich spoedich
30 int dusende Let / end huut liefden gloedich
vergheeft die mesdaet ende zonden almachtich
Eduard de Dene, Testament rhetoricael
+ 433 r
+
Anno .48. .17. ougst
+ Exodi 34