download - Rene van Maarsseveen

77
5 Bouen allen princhen / zyt ghy verheuen Reene
alder dynghen ghebod / es gheel // in huwe handt
ouer al hebt ghy die heerschappie ghemeene
vvant hebbet al ghemaect / Eerde zee ende zant
ghy zyt der zonden vergheuer / dit ken ick / want
10 zyt alleene god der goden / daer elck naer haect
gheen ander esser inden hemel / noch oock in tlandt
god die ghesproken hebt / end alle dynck es ghemaect
een ghetrauwe god / die tonswaerts Liefmoedich blaect
god zachtmoedich ghenadich vul paeys en vrede
15 een god Rechtueerdich / Want duer den psalmiste spraect
Myn Rechter handt es vul Rechtueerdichede
tsdoods macht hebt ghy alleene / ende tsleuens mede
die wondren doet / en zyt in bermherticheyt Rycke
die openbaer zult oordeelen / in tyden / en stede
20 zoo ghy dat hebt voorzien / want gheen huwer ghelycke
wie esser god dan / die zonder den heere Blycke
of vvie esser god / Zonder onsen god voorwaer
dan ghy / god vviens wille binden eerdschen dycke
alsoo als inden hemel moet gheschieden daer
25 En dien god die in onslieden werct eenpaer
beede twillen / ende oock tvulbrynghen goet
dus wat ghy doet in werck in woorden / menssche claer
dat inden naeme des heeren iesu Christi doet
gode danckende van zynder gracien vloedt
30 Eerende zyn testaments Ciborie
gheeft god dies bouen al eere / met cloucker moet
Alleene zy god / Eere ende glorie
Hoe mueght ghylieden gheloouen / het es onmueghelick
die glorie wilt van elck anderen ontfanghen
35 En die glorie alleene / van gode hueghelick /
+
en zouct ghij niet / dies ghaet veel dolende ghanghen
hoort dan / ghy vul wederspooricheyt bevanghen
gode vreesen / Eeren / dienen / Alleene zult gy
die naer ons zalicheyt durst / end heeft groot verlanghen
5 en gheen ander god / dit zelue zo beveelt hy
vvant met beschaemtheyt / beschaemt moeten worden zy
die in ghegroufde en gheghoten afgoden betrauwen
maer die belaeden zyt Roupt christus Comme tot my
hulieden zal ick vermaecken in al dyn verflauvven
10 deerste en de laetste zalmen my eeuvvich schauvven
en behoudens my En esser gheenen god ziet
keert hu tmywaerts / zalicheyt zal hu bedauvven
verzucht / huwer zonden / zal ick meer ghedijncken niet
van god den heere ons Lichamelick voedsel gheschiet
15 al ons behouften ziet hy met een ooghemerck
Eduard de Dene, Testament rhetoricael
+ 29 v