download - Rene van Maarsseveen

194
+ Dan zullen wy eerst kennen daer veel of bescreuen es
die vulmaecte blydschap Bouen alle vruecht
ende weten waddynghe dat teeuwich leuen es
daer men eeuwelick onhendelick inne verhueght
5 dan zullen wy eerst kennen die goddelicke duecht
dat hy es alleene Een god warachtich
die iesum christum zyn eeghin zuenlicke iuecht
Ghezonden heeft ter weerelt huut liefden crachtich
Die blydschap zal daer zo ouervloedich blycken
10 zoo paulus zecht totten Corinthen voort
dat noyndt oore hoorde / noyndt ooghe mocht kycken
dwelck god heeft bereed duer zyn claer woord
den ghuenen die hem lief hebben onghestoort
noch noyndt es ghecommen in tsmensschens herte
15 zulcke vruecht / dus hoe ghedood of vermoort
wilt gheenssins vreesen Lichaemlicke smerte
Want zoo dapostel petrus doet claerlick ghewach
eenen dach es byden heere / als duusent iaer
en duusent iaer es daer / als eennen dach
20 vvant den gheuer der vruechden die wuenter claer
dies zynght * dauid / dat veel beter es daer
eenen dach te zyne in des heeren zaele
dan duusent iaer in ander plaetsen voorwaer
vvant daer es vulmaecte vruecht generale
25 Die vruecht zal daer tot gheen faelgieren Rasschen
gods vercoorne zulder hongheren noch durstich zyn
de traenen zal hy van huer ooghen wasschen
ende wesen vry en vranck huut tsdoods ghepyn
Als de quagheseyde derfuende gods aenschyn
30 zullen leuen zonder steruen in dhelsche mortorie
de wel ghezeyde leuen / in eeuwich termyn
daer weilde zonder schand es / end eeuweghe glorie
Nu mochte vanden mensschen zyn vercombient
hoe com ick daer / end hoe zal ick die vruecht ghenaken
+
Ick bem een zondich menssche / ken hebt niet verdient
neen ghy / dat zyn der kennessen spraecken
maer wie eist diet mach verdienen / om daer gheraecken
nyemandt / dit zyn der schriftueren Rechten
5 vvant al doen wy dat wy schuldich zyn / zonder slaecken
zo zyn wy noch al tsaemen onnutte knechten
* ‘zynght’: ‘y’ over ‘e’.
Eduard de Dene, Testament rhetoricael
+ 431 r
+ 431 v