download - Rene van Maarsseveen

187
+ elck onser dat es een lueghen sprekere
dies der ydelheyt zyn wy gheleken by
vvy zyn huut niet gheboren / der zonden onvry
en niet worden wy / dan woormen aes ghebleuen
5 hedent zyn die doodt mueghlick moorghen ick en ghy
dits den troost die wy mueghen elck andren gheuen
gheene zynder van mensschen / die eeuwelick Leuen
hoe Rycke hoe mueghende hoe sterck van crachte
al steruelicke mensschen zyn wy bescreuen
10 als zynde gheboren huut een eerdsche gheslachte
vpghevoedt met zoorghen / ende Rasch in onmachte
Paeus keyser conyngh princhen hertoghen grauen
hebben / gheen ander beghin der gheboorten in pachte
dan die in tzweet huer aenschyns / den cost beslauen
15 hier om hebben tsghelycx by nathuerlicke ghauen
alle mensschen totten leuene eennen inghanck
end een ghelycken huutghanck / hoe Rycke van hauen
de gheleerde sterft / als dongheleerde Cranck
wat menssche Leifter / die binnen tsweerelts bevanck
20 de dood niet zal zien / Tot zyn leuens ofkerfuen
nyemandt / al Leifden wy thien duusent iaeren Lanck
vvant weder dat wyt willen / ofte Ieghens onsen danck
Het moet eens zyn / Dat wy al steruen
Ziet al doode my god in dit eerdsche schoon pleyn +
25 nochtans zo zal ick hopen in hem alder meest
die macht des doods en leuens heeft hy certeyn
hy leed tot die poorten des doods onbevreest
en wederomme der huut / contempleir ick inden gheest
hy slaet castyd ende maect wederom ghezondt
30 Rustbaer vrede gheeft hy / naer lydzaemich tempeest
alle zondeghe ghevanghen ontbyndt hy ter stondt
De blende maect hy ziende inder herten grondt /
+
ende heft wedervp die zyn nederghesleghen
alleene goet // noyndt was bedroch in zyn mondt
Al onse zondeghe smerten heeft hy ghedreghen
in christo ons gheopent Die hemelsche weghen
5 als toeghanck tonsen hemelschen vadere daer
zyn bermherticheyt es groot tot an dhemel bedeghen
hy ghedynct dat wy stof zyn onzuver vruchtbaer
ziet al doode my god / met stranghe plaeghen zwaer
Ick zynde vul zondeghe Lasarye duerdropen
10 al spaerde my god dheere / ende bouen dien voorwaer
Al doode my god Noch zal ick hopen
Eduard de Dene, Testament rhetoricael
+ 426 v
+ Hope
+ 427 r