download - Rene van Maarsseveen

Heydenen looft dies talder stondt
30 den heere in zyn verRysen +
ghy volck oock met dancbaregher mondt
Den heere louen wilt en prysen
+ Want zyn groote Bermherticheyt
zo wie hem zondich speghelt
ende des heeren Waerachticheyt
Blyft ouer ons vaste ghezeghelt
5 Die dit Liedeken heeft ghedicht
die hoopt tot allen keere
Vaste gheloouich onghezwicht
in Christo iesu onsen heere
Refereyn
178
10 Eist dat Wy zegghen / wy en hebben gheen zonde
zo bedrieghen wy ons zeluen / tot alder tydt
en die waerheyt en es in ons niet tzulcker stonde +
zoo iohannes dien helighen Apostel belydt
Daer en es oock gheen menssche ter weerelt wydt +
15 Rechtueerdich / en die gheen zonde en doet
vvant ons Rechtueerdicheden zyn een zondich habyt +
als een maendzuchtich vraucleed verworpen onder voet
Wanneer wy oock al tsaemen / met zinnen vroed
dat ons beuolen es / mochten hebben ghedaen +
20 elck onser nochtans segghen ende kennen moet
hoe duechdelick goet
dat wy noch als onproffytelicke knechten staen
als maer ghedaen hebbende / naer tvermaen
van dies wy te doene schuldich waeren
25 wat zullen wy dan doen / Tot wien zullen wy ghaen
om troost ontfaen
Anders dan tot christum Voorspraecke der zondaeren +
by zijnen vadre in dhemelsche schaeren
en zonder wien Wy niet mueghen doende wesen
30 maer vp dat hy ons Leuendich zoude spaeren
Christus es ons paesschen gheoffert / verResen
+
Vergheit die ionste van hu boorghe Niet
want hy heeft zyn ziele voor hu ghegheuen +
ghedynct den heere iesum christum ziet
dat hy vanden dooden verResen es bleuen +
5 huuten zaede van dauid / nv int eeuwich leuen
ende welcke christus niet meer en zal steruen
Eduard de Dene, Testament rhetoricael
+ Psal C xvj.
+ 420 v
+ .1. iohan primo.
+ Eccles 7
+ Esai 64
+ Luce .17.
+ .1. iohan 2
+
421 r
+
Eccli 29
+ .2. thimoth 2