download - Rene van Maarsseveen

164
vvat zyt ghy in die woestyne huutgheghaen
om zien een Riet gheroert Vanden wynde ghereet
25 of te zien een menssche met zochte cleedren ghecleed
zyt ghylieden huutgheghaen ter causen van desen
ziet / die zochte ghecleede zoomen claerlick weet
die zullen in die huusen der cuenynghen wesen
maer wat zyt ghy huutgheghaen gheresen
+
te ziene / Een prophete / zeker zegh ick dy
ende meer dan een prophete es hy ghepresen
Zaelich die niet word ghescandaliseirt in my
Dese es Vanden welcken datter es ghescreuen
5 Ick zende myn bode Voor hu aenschyn ziet
die huwen wech zal voor hu bereeden int leuen
voorwaer zeghick hu dede christus bediet
Onder die gheborene van vrauwen niet
gheen meerder vp ghestaen es / zeghick certeyn
10 dan iohannes baptista / warachtich gheschiet *
nochtans die minste int Rycke der hemelen pleyn
es grooter dan hy / En vander daeghen treyn
van iohannes baptista Tot deser tydt vry
ghewelt Lydt tRycke der hemelen Reyn
15 en die gheweldeghe nement / in huerlieder ghemeyn
Zaelich die niet word / ghescandaliseirt in my
Prinche
Want alle die propheten ende die wet
hebben tot iohannem toe ghepropheteirt
20 en eist dat ghyt ontfanghen wilt onbesmet
hy es helyas die commen zal gheordonneirt
wordt niet geschandaliseirt
die ooren heeft om hooren / dat hy hoorende zy
zoo sprack christus / hy die alle herten grondeirt
25 Zaelich die niet word ghescandaliseirt in my
Euangelion Vpden vierden
zondach inden aduent / +
Van ierusalem zonden die Iueden tdien tyden
tot Iohannem priesters ende Leuiten ziet
* Oorspronkelijk ‘Tot deser tyd / warachtich’; vóór ‘warachtich’ is ‘Tot deser tyd’ doorgehaald,
en erna ‘gheschiet’ bijgevoegd; beide correcties in zwartere inkt.
Eduard de Dene, Testament rhetoricael
+ 411 v
+
iohan / primo