download - Rene van Maarsseveen

Vpden tvveeden zondach +
162
In dien tyden Alst iesus zoo wilde iunnen
5 hy tot zyn liefue discipelkens tspreken dede
daer zullen zeyt hy teeckenen zyn inder zunnen
inde mane / ende oock inde sterren mede
en verdriet der mensschen In deerdsche stede
mids confusie ende ongheregheltheyt zwaer
10 van tgheluudt der zee / en der vloeden onvrede
diepgrondelick zynde beroert openbaer
en die mensschen die zullen verdwynen der naer
van vreesen ende verwachtynghe der Dynghen
die der weerelt dan zullen ouercommen daer
15 vvant die crachten der hemelen duer een bedwynghen
ende gods ghehynghen
zullen worden beroert in huerlieder omRynghen
en dan zullen zy den zuene des mensschen crachtich
met zyn magesteyt / die hy met hem zal brynghen
20 Zien commen in een wolcke als god almachtich
Als deis dynghen om gheschieden beghin zyn maeckende
ziet vp / ende heft vp hu hoofden goet Rondt
vvant huwe verlossynghe die es naeckende
en zeyd hemlieden een ghelyckheyt / die warachtichste mondt
25 Beziet den fygheboom gheplant inden eerdschen grondt
ende alle boomen waer ghy wandelt ofte ghaet
als zy vruchten voortbrynghen / alsdan ter stondt
zo weit ghy dat den zomer te commene staet
Alsoo / als ghy dese dynghen (naer christus Raet
30 ziet gheschieden / zo zult dan weten ghy
warachtich zonder twyfel / dat niet ongheloouich laet
+
dat dan het Rycke gods naer es by
voorwaer zeg ick dy
dit gheslachte zal niet voor by ghaen vry
eer dees dynghen gheschiet zullen zyn eendrachtich
5 den conyngh der conynghen dan zullen wy
Zien commen in een wolcke / als god almachtich
Hemel eerde verghaen zullen / maer myn woorden ziet
zullen niet verghaen sprack christus verheuen
wacht hu dat by aventhueren hu herten Niet
10 bezwaert en worden met ghulsicheyts sneuen
en dronckheyt en zoorgfuldicheyt van dit leuen
dat hu onvoorzien niet ouercomme dien dach
Eduard de Dene, Testament rhetoricael
+ 410 v
+
Luce .21.