download - Rene van Maarsseveen

125
Hoe groot zo es die ghenaede des heeren
den ghuenen die ghewillich tot hem bekeeren +
20 vvant die vpden heere hopen dien es hy goet +
hy can ons behoorlicke dynghen Leeren
zynder wysheyts ghetal en es nyemandt vroed +
dus keert hu themwaerts / ende gheen zonden doet +
ende voor hem doet Rechtueerdicheyts zede +
25 gheloouende standvastelick clouck ghemoet
dat hij met hu zal doen zyn ontfaermichede
ick maecke licht / scheppe duusterheyt / ende vrede +
ick die heere (zeght hij) doe al dese dynghen /
+
Mynen Raedt zal eeuwich staen / ende oock mede
myn wille zal gheschieden / wat ick wil vulbrynghen
Ick bem die stercke god / dyns vaders / elcx bedwynghen +
Ick bem hu god (zeght hij) wilt niet Afwijcken
5 ick heb u ghesterct als vrome ionghelynghen +
keert hu tmywaerts / ende ghij zult zaelich blycken
Alle henden der eerden / ende ConyncRycken +
Want ick bem hu god / en daer en es ander gheene
Ick bem die duere / die duer my in zullen strycken +
10 die zullen zyn behouden met * my ghemeene
een goet heerder bem ick iesus van Nasareene
ick bem die moorghensterre / Blynckende claer +
Broodt des leuens / ende dauids wortle alleene +
ick bem die ick bem / onveranderlick voorwaer
15 hu deel bem ick inden hemel / end hu erfgoed daer +
End eer Abraham worde / zo bem ick ziet +
dus mensschen zouct den heere / ende volght hem naer +
wat dyns gheschiet +
Traghelick keert hu te godewaerts niet
20 Ghaet huut tmiddel dies van babylonien ach +
zondaers / dat elck zijne ziele behouden mach
vander gramschap des heeren gods thoorne groot
ende comt / laet ons vpghaen zonder verdrach
vpden bergh des heeren als troost tonser noodt +
25 vereenicht hu met god / ghelooflick totter doodt
ghij zultter by vercryghen de beste vruchten +
neimt de wet van zijnen monde voor daghelicx broodt
in hu herte stelt zyn Redenen zonder vluchten
verblydt hu in hem met beuen ende duchten +
30 hoopt in hem ende dient hem huut tshertsen iueght
zouct zyn Rycke / ende wilt voor hu zonden zuchten +
Offert hem offrande met Rechtueerdicheyts duecht +
zouct den heere / Te wylen ghij hem vynden mueght +
Ende duer den wech der voorzienicheyt ghaet / +
* Vóór ‘met’ ‘d’ doorgehaald.
Eduard de Dene, Testament rhetoricael
+
Eccli .17
+
Trenorum 3.
+
psal 9.
+
Eccli .17.
+ Thobie/13
+ Esai/45.
+ 388 r
+ Genesi 46.
+ Esai/41.
+ idem 45.
+ Iohan/10.
+
Apoca/
+
iohan/.6.
+ Exodi/3.
+ malach .3.
+
Nu / 18
+
iohan/ 8
+ iere 51
+ Esai.2.
+ iob .22.
+ Psal / 2.
+
Mathei .6.
+
Psal 4
+
Esai 55
+
prouerbi .9.