download - Rene van Maarsseveen

114
eist datter yemandt zy / die wil aerbeyden niet
dat hy oock niet en ete / heeft paulus bescreuen /
++
Augustinus de Ciuitate dei libro 4 o
Capi /16.
Voortyds merckende dedele Romeynen eendrachtich
dat alle quaet voortbrocht wierd huut ledichede
5 veel goden dies / die zy meenden warachtich
den mensschen stierende tot besicheyt machtich
ende werckene crachtich
die hebben zy ontfanghen Binder Roomsscher stede
En tot die zelfste goden / naer huerlieder zede
10 als goden tot tghemeene oorboort ghekeert
hemlieden templen ghesticht / in constegher snede
ende met alder neersticheyt daer gheEert
Maer de goddinne van Rusten die van besicheyt vliedt
die wilden zy gheenssins ontfanghen niet
15 Certeynlick binnen huerlieder stede / Maer
buten der stede / zoo eist gheschiet
Augustinus bediet
wierd huer eennen tempel ghesticht aldaer
gheen goden wilden zy hebben binnen voorwaer
20 die de mensschen mochten tot Ruste trecken
noch oock eeneghe andre claer openbaer
diese tot Ledicheyt / mochte verwecken
Ghemerct dies dan de Romeynen int leuen
gheen ledeghe wilden hebben inbleuen
25 Binnen huerlieder stede Te meer stercker hy
god almachtich die ons heeft gratien ghegheuen
zal de ledighe doen verworpen onvry
ouerdynct dit alle Ledighe leyaerts ghy
yeghelick wie hij zy
30 zal huutghaen tzynen wercke leecken en clercken
duer dauid den Psalmiste dit leeren wy +
Dat de menssche / es gheboren * om wercken
Prouerbi. vi o
Ghy die gheenderhande werck wilt betraepen
35 hoe langhe zult ghij traeghledighe slaepen
+ Fol. 381 r, r. 33 onderstreept.
* ‘gheboren’: ‘o’ over andere letter.
Eduard de Dene, Testament rhetoricael
+
381 r
+ Psal Ciij