download - Rene van Maarsseveen

5 Laet den theerlyngh dapper drauen
huwer alder Lustich Canst
Momt zynght sprynght hubbelt en danst
Laet ghenouchte zyn gheResen
100
drynct bacxkens huut / Brast ende schranst // Moorghen etc a /
10 Fraey Ioncvvyfuekens ende Cnaepen
die gheerne vette morseelen smult
vvilt alshedent wyde gaepen
hu buucxkens voor zes weken vult
dan natuerlicke blomme huutbult
15 Laet hu helpen ende ghenesen
doet ghyt niet tword hu tselfs schult // Moorghen etc a
Pupstekers die om den naeycoorf vechten
ende Venus zyn onderdaen
vvilt den standaert vroylick Rechten
20 en bloodshoofts noch int vleeschuus ghaen
smetst saussyskens en Coolbraen
Laet nv soberheyt verknesen
drynct int Lyf den Rynsschen traen // Moorghen etc a
Die om hebben doet den heesch
25 en gheerne tlecker keelgat voert
eer ghy eit hu laetste Vleesch
Laet vp hu vleesch zyn ghetamboert
end huwe Blende schuetel Roert
nyemandt zalmer omme vesen
30 hu dranck wel buetert ende poert // Moorghen etc a.
Oorlof pier pauwels claeys en philips
end elck wie hoort ons vroylick Liedt
tes in ons buerse zeer groot Eclips
+
Want wy en zien der een cruce Niet
nochtans al eist Dat zoo gheschiet
crancken willen wy droufheyts pesen
en wesen Rechts vroylick zoomen ziet
5 Maer moorghen willen wy wyser wesen
Aucteur
Vpden vastenavendt laete vyndtmen zommeghe ghasten
naer datse tlyf niet meer hebben connen Ballasten
het ouerschot doen zy den Aermen gheuen
10 My dyncke dat zulck naer de schaeuwe tasten
van vpRecht aelmoessen thebbene bedreuen
Eduard de Dene, Testament rhetoricael
+ 372 v