download - Rene van Maarsseveen

Nyemandt vp gods gheboden acht
vpRecht ghelooue light vercracht
zulck wil ons twoord gods weeren
de schaepen worden verkutst verpacht
15 meest omme twulle scheeren
De machteghe van goede meest
zyn vanden aermen nv bevreest
zy en mueghense niet anschauwen
tvleesch verwint ieghens den gheest *
20 Ouer mans ende vrauwen
Zulck die gheveynsdelick sluumt
den vleeschpot van Egypten schuumt
ghemackelick byden viere
Leckerlick leuen zyn zy ghecostuumt
25 Minst zoorght die maect de beste chiere
Der aermen Roup nyemandt Anhoort
tdeen Ryck es Ieghens dander ghestoort
tweedrachten Multiplieren
Roouen brandschatten diefte moort
30 ziet men noch daghelicx hanthieren
Met graen verkutsen zommich sneeft
end al daer de menssche by leeft
verdierst in allen landen
nyemandt tghemeente hulpe gheeft
35 Ten heeft ghelt Brood noch panden /
+ Zulck ydel buuckx en drooghen Mondt *
wordt van ghebreken onghezondt
dies zy naer tghasthuus Loopen
Tesser al wech datter wel stondt
5 Daers niet meer om vercoopen
Al vvilden zy brood vvinnen ziet
de neerynghe en esser Niet
wat zullen de schaemel maecken
mans wyfs en kynderen Lyden verdriet
10 met verhongherde Caecken
Coopmanscepe heeft cleen bestier
elck wil nv worden een Rentier
om ghemaclick leuen leeden
daer vlieght zo meneghen ghulseghen ghier
15 Binnen de weerelts Breeden
* Vóór ‘gheest’ is ‘vleesch’ doorgehaald.
* Vóór ‘Mondt’ is ‘b ... d’ doorgehaald.
91
Eduard de Dene, Testament rhetoricael
+ 367 r