download - Rene van Maarsseveen

77
fygheskens huuter vuust ghaf my die vrauwe
ghesuuckerde vlaeykens / oock vp myn trauwe
ende zonder candeel Const ick gheenssins ontstaen
zou ghaf my veel smeerpeerkens zonder vermaen
10 zou ghaf my schoon woorden / ende niet te straf *
doe zeyd ick ick wil in een cloosterken ghaen
doe ghafzeme huut clucht een mandeken draf
oock ghafzeme coel Roosewaeter / niet laf
end om dit Refereyn / maecken / Een quaerte / Chaerte
15 maer al watse my ghaf / ofte niet en ghaf
vvel eens zo ghafzeme vander taerte
Prinche
Gheern had icxse oock tsmoorghens var taerte ghegheuen
maer ze was gheten zhads gheten ** een goeden smul
20 wel zeyd ick esser gheen Reste gheBleuen
tian ziet de platteel Riect zes gheten Int leuen
een end Ick hebbens gheten ons Buucxken *** vul
oock hebber of / dat ghyt weit schoon Cadul
veel wyfs gheten kynders gheten ende veel mans
25 maer niet veel paps gheten / elck was te Crul
dit mueghdy gheloouen Rasch ende stappans
bey docht ick vander taerte huer ghegheuen ken cans
of ken hadder zelue of ghedaen ghespaerte
dus spytet my eeuwelick / ende nochtans
30 Wel eens zo ghafzeme vander taerte
Refereyn Vp verzenderkens dach
Twelck den eersten April te zyne plach /
++ Tsa LichtVoet myn lyfCnaepe fraey ende fier
met beel beraus houd ick myn bruloft schier
dies moet ie den boonacker up ghaen pleyen *
Eerst wil ick hu zenden naer twestquartier
5 Te Curtrycke zult ghy doen backen Pasteyen
om Conynen moet ghy te dunkercke Reyen
om drynckers te winnocxberghe der naer
in thilleghembusch zult ghy hauwen de meyen
Cappoenen moet ghy coopen te meessene zwaer
10 te moerbeke vyndt ghy goe Room voorwaer
bestiert my dit / ghy zult de bruloft wenden
wel meester ghy zeght wel / maer daers een maer
Ick vreese tian dat ghy my wilt verzenden
* ‘Laf’ doorgehaald, ‘straf’ erna geschreven.
** ‘gheten’: ‘n’ over ‘t’.
*** ‘Buucxken’: ‘B’ over ‘v’.
+ Fol. 358 v, r. 5-10, 15-22, 28 (namen), 31 ‘hekelaers ... Ofstaede’, 32 ‘vuerne’, 33
‘drooghaerts’ onderstreept.
* ‘scheyen’ doorgehaald, ‘pleyen’ erna geschreven.
Eduard de Dene, Testament rhetoricael
+ 358 v