download - Rene van Maarsseveen

54
voor wien ick gheerne den bucht huut docke
en die zomtyds te drynckene my niet vermoeyt
de ghemaecte wyn leuer ende longher verbroeyt
des drynckers ghezondicheyt esse Rebel
20 veel liefuer waer Icker mede bespoeyt
maer ghegroeyde wyn drynck ick wel
Ghegroeyde wyn Reynmatelick ghetueght
en heeft noyndt yemandt quaet bedreuen
maer ghemaecte wyn die nerghens toe duecht
25 can gheenssins vp Venus ghetauwe doen weuen
ick drancker eens Ieghens myn herte int leuen
int voorghespan creegh ick een cranck ghestel
men zoudder catten me hebben vergheuen
maer ghegroeyde wyn drynck ick wel
30 Tvvelcken tyden ick wil vroylick poyen
de waghebaerts dranck es by my beghost
tes een slaepzalue ieghens de vloyen
ende bouen alle wynen de ** blaese best Lost
de zulcke wyn drynct diemen heet most
+
tschynt zeepzop tzyne ende niet el
ken machs niet al had icxse zonder myn cost
maer ghegroeyde wyn drynck ick wel
De vvynen zyn zomtyds gram vp huer Moer
5 dies moetter den zwabbelaer tusschen plansschen
die word wel ghedroncken van meneghen Boer
dan esser noch wyn om de cleene hanssen
daer wouter wynghaerds bastaerdekens in danssen
hoe zoud ick die dryncken ten es gheen spel
10 Liefuer zoud ick by gheloyden waghebaert schranssen
maer ghegroeyden wyn drynck ick wel
Princelicke fyne Bachus knechten
drynct claeren ghegraenden dranck thuwer crebben
zo wie tlichaeme zoo can bevrechten
15 dranck die ghegraent es / Cleeft ande Rebben
hy omgord de Lendenen met staende webben
al cryghtter of zommich een Buuckich ghezwel
voor ghemaecte wyn zoud ick die Liefuer hebben
maer ghemaecte wyn drynck ick wel
** ‘de’: ‘d’ over andere letter (e?).
Eduard de Dene, Testament rhetoricael
+ 345 r