download - Rene van Maarsseveen

+ Beane zuuer hoogh Checoluert mids dien
prys Ick voor waghebaert
end Asoye tsnuchtens een Canne met drien
Lof Dan Wynghaert
5 Daer men zo goeden wyn huutclaert
52
Naer datmen my tsmoorghens tvarsch eyken doppe
in bastaert ick gheerne een Rosteyken zoppe
vvant tmaect nieu bloedt
Beoene ick niet gheerne int Lichaem proppe
10 maer elzaeter / voor alle ghebrau van hoppe
pryst mynen moedt
huut een Ruemerken es zyn savueren goet
voor qua luchts styncken
Rommenye es godspennynck dies veel in doet
15 van droncke dryncken
maer die hem int inbyt can properlick schyncken
by cleen zwalpkens innemen / dats tlyf ghezond
al lietmer voor eecken vier oock inzyncken
een bueterpondt
20 zulck ghewichte in twee cannen dat maect den mondt
voor qua misten bewaert *
en tzuvert der aderen humuereghen grondt
Lof dan Wynghaert
Daer men zo goeden wyn huutclaert
25 Een pilietken als magher sluts vrancxsch ardcierken
ghelyck ick by zommich brugsche Bierken
zeer din en plat
maer maleveseye / naer leckaerts manierken
ghecooct en ghebrandt met wit Papierken
30 dat es goet nat
tmaect tkeelgat ter spysen ontfangh zeer glat
tdrooght flumen bellekens
Spaensch wyn diemen brynght / om dat hy es brat
in gheetevellekens
35 die dient den ghebaerden gheen melck ghesellekens
maer beter warachtich hemlieden gheweert
+
of zy wierden te nisch naer Venus cellekens
in hueren steert
garnate zoet wynken es van boeren begheert
gheenssins ghespaert
5 int zoppen elck huerer veel pyntiens vertheert
Lof dan Wynghaert
* Oorspronkelijk ‘bezwaert’; ‘z’ doorgehaald.
Eduard de Dene, Testament rhetoricael
+ 343 v
+ 344 r