download - Rene van Maarsseveen

37
20 maer onsen Conynck philippus heeft zyn baniere
zo vromelick ieghens hemlieden doen vp Rechten
zijnen Capiteyn Egmont by oorloogsche maniere
heeft vechtender handt hueren legher commen Bevechten
al hadden zy veel vroom zwarte Ruters knechten
25 De Francxsche legher was by een alf myle lanck
ende hadden stranck
vyf of zes gheschots ieghens onsen legher ghedaen
Dheere van Nyeuer leedt van Reysen moe / niet Cranck
maer vromelick heeft de Bourgoenssche by ghestaen
30 onse peerden zyn duer de Reviere gheghaen
totter zale int water / met eennen cloucken moede
+
naer werck zulck loon / moesten Franchoysen ontfaen
meenende tryumpheren met quae Beroofden goede
hebben de Reviere ghevaerwet met hueren bloede
De bende van Lazarus zwendel clouck ghemoed
5 en van Muenichouzen goet
als duudsche / en waeren daer noch gheenen nood
zy volgden achter om sturten tvranssche bloedt
de Casselaers wierden oock te beene te voet
vp gheRust end hebben hemlieden begroot
10 Franssoysen hadden zy van huwer comsten exploot
end huwer meenynghe yet gheweten
dat moet ghylieden kennen yot inde Doodt
ghy en waertter niet alleene treffelick ghesmeten
Maer vrauwen kynders / hadden hu metten tanden ghEten *
15 Eist nv niet te laete ghepilgiert gheRooft
met hu hueverhooft
dat ghyr brocht / dat ghyr haeldet / hebt zelue verloren
hu ydel betrauwen heeft hu zelue verdooft
tschaep ghy waendet scheeren blyft zelue gheschoren
20 Tfy den verRaeder / hu es gheen voordeel vercoren
schynct hem nv tbancket dat hij ouervlieghe
de gheLapte schoen hebben tsaemen eedt ghezworen
den franschman tcranckene / eer hy voorder bedrieghe
wat faict eist / tkyndt te slaene inde wieghe
25 Nu Francxsche Bende oorlof nemende
niet langher hopen wy ghy Bremende
met Calys / nichtmeer dan ghy met dunkercke daet
huwen capiteyn de termes / es hu ontvremende
hy es onsen ghevanghen / dwelck hu niet en baet
30 de capiteyn hennebault Wreedt Franssoyselick zaet
* Oorspronkelijk ‘gheEten’; eerste ‘e’ doorgehaald.
Eduard de Dene, Testament rhetoricael
+ 334 v