download - Rene van Maarsseveen

12
Eyst dat hu Broeder Ieghens hu heeft ghezondicht +
ghaet berespt hem tusschen hu end hem Alleene
eyst dat hy hu hoort / dies ghij hem vermondicht
end huut liefden becondicht
30 dynen broeder zult ghy hebben ghewonnen Reene /
+
Maer hoort hy hu niet / noch niet wil Bughen
Neimt dan noch een ofte twee hu by
vp dat inde mondt van twee of drie ghetughen
Alle woord blycke / en standvastich zy
5 Eyst dat hy / die niet en hoort / zegghet der kercke *
end eist / dat hy de kercke niet en hoort
hij zal hu als een ongheloofuich Tallen percke
en verclaerst / als een openbaer zondaere voort /
Onzen hemelsschen vadre / die vader eerweerdeghe
10 doet vpghaen zyn zonne / vp goe ende quaede
Ende zendt zijnen Reghen vp die Rechtueerdeghe
end onRechtueerdeghe / huut grooter ghenaede /
Yeghelick menssche / ziet toe / en verstaet
huut een cleen gramschap Comt dicwils groot quaet
15 huut gramschap haet // ende onweerdichede
Spruten tweedracht / Crych. end aercheyt mede
Gramschap es verderfuenesse van allen duechden
de menssche / Spade gram te wordene / Behoort
ghereedt tot bermherticheyt / in al zyn iuechden
20 standvast in ieghenspoet / tooghende Vruechden
Wys ende ghemaetich in Voorspoet voort /
Recepte ende medechine
Ieghens Gramschap tallen fine
Drie Remedien zyn / om gheen gramschap Cryghen
25 Tscheeden van tbywesen / die gram zyn ghemoed
zoet andwoorde gheuen / Bekyft men hu zwyghen
zo zult ghy temperpaeyselick houden hu Bloed /
Noteirt
Byden hemel zweeren Wy gheenssins moeten
30 want tes den troon gods / Noch by die eerde
* Oorspronkelijk ‘kercken’; ‘n’ doorgehaald.
Eduard de Dene, Testament rhetoricael
+ Mathei 18
+ 320 v