download - Rene van Maarsseveen

58
20 V dies ghebuert // onghetruert // twelck gheduert // zonder hendt
Casteel // gheheel // Pryeel // ne gheenssins om winnen
Touf gheseyt // die wel greyt // der triniteyt // omtrent
Vwer vrucht // elck dynck ducht // eerde Lucht // firmament
Soo gent // beghent // ghespent // was hu god bespoeyende
25 Lof moeder maria / vul gratien vloeyende
Vroyelick princesse // meestresse // voogdesse
Eerzamer // bequamer // ghenamer // nye ghewrocht // was
Natuerlick // figuerlick // schriftuerlick // Clercgesse
Troost custode // die van gode // By bode // verzocht // was
30 Iae dyn wesen // ghepresen // huutghelesen // bedocht // was
Soo eer twoordt // Accoordt // brochte voort // Creatuere
T doen dyn oetmoeds zede // dede // dat vrede // vulbrocht // was
Vry wyse Sara // Rebecca // Saba // schoon natuere
In dancke // vruchtbaer Rancke // neimt myn crancke // factuere /
+
Iesus voesterghe // Coesterghe // Bidt dat al wel zy
Christus corporale // zale // principale // Partuere
Als ghevonden // Tallen stonden // van zonden vry
Maeght voor tbaersen // in tbaersen // en naer tbaersen // ghy
5 En waer by // my // te dy // noch om zegghen bem moeyende
Lof schoone maria / vul gratien vloeyende
Augustinen broeders
De Augustinen broeders datse duecht gheschie
ende ouer my niet Te zeere te claghene
10 gheef ick eennen vossesteert / ofte besemens drie
Ten fine van huerlieder bestouen Librarie
die Lettel betorden es / nochtans te vaeghene
Maer ter eeren vanden convente aldaer
ion ick hemlieden gheen pecuniel ghewin
15 vvant icx niet en vermach huut myn buerse / maer
vp dat ic stae in huerlieder bedynghe / beghin
inden ommeghanck / zoo ghy tconvent comt In
heb ick hemlieden eens gheConponeirt
Bediet der glaseveynstren In Rhetorica zin
20 zoo dauids historie schriftuerlick accordeirt
Achterlatende Copie ieghens toude Corrumpeirt /
Eduard de Dene, Testament rhetoricael
+ 17 r