download - Rene van Maarsseveen

290
tzy tsnachts des moorghens / oft achter de noene
ten betert met my niet van eennen haere
30 Want ick moet steruen / der minnen maertelaere /
Iae quame de doodt / maer neenze wachaermen
dies ick veel te meer allenden dryncke *
in drucke zo moet ick weenen en Caermen
als ick om de hartheyt der liefster dyncke
35 och wildese noch boeten myn quetselicke myncke
ick wierde ghenesen ghezondt en Fraey
+
maer lacen al eist dat ick in drucke zyncke
zou blyft in tleuen altyds euen gaey
hope / zouct tmywaerts nv oock dilay
die my plach te gheuene / goe discipline
5 Aldus verliest myn herte al zyn medechine
In dezer allende niet om verfellen
weynsch ick der liefster acht daeghen lanck
om weten / oft zou my dan zoude laeten quellen
die om haeren wille / moet blyfuen dus Cranck
10 niet dat ick beclaeghe myns lichaems Bedwanck
zou eist wel weerdich / ende duustwaerf meer
dus wil ict verdraeghen al vallet my stranck
ende nemen tot hope vast mynen keer
ick beuele Cupido myn bitter zeer
15 int herte ghestaeckytst met Venus stylen
dat hy haer wil loonen in tyden en wylen
Manlicke minnaers hoe dit slicht in consten // es
E lck keeret in tbeste ieghens schimpers nydt
I n liefden het zeker ghestelt huut ionsten // es
20 K endt eerbaer Reyne Liefde in alder tydt
I n hu zal wel gheworden troostelick iolyt
D ie eerst was mestroostich vul qualen ghesteken
E erweerdeghe liefzame / zonder lanck Respyt
Corte ionste laet vp huwen dienaere Leken
25 EDel Waerd * mocht ick zwemmen inder vruechden beken
De Re Dene schoone princhesse Vailiande
Tuught hu wederliefde zy tmynen onderstande
* ‘dryncke’: ‘r’ interlineair toegevoegd.
* ‘EDel Waerd: ‘l’ in gotische cursief.
Eduard de Dene, Testament rhetoricael
+ 317 r