download - Rene van Maarsseveen

Roozen Goudblommen Van allen contreyen
Maer myn begheerte / es meest Acoleyen
287
15 Mids dat ghestadicheyt / meer ghevelt // heeft
myn lyf ende oock tonder ghestreden
dan eeneghe zieckheyt / die my ghequelt // heeft
vvant al wildese gheenen troost in my kneden
de liefste blomme zeere proper van zeden
20 waer ick wys ick mochte eer lanck termyn
een ander kyesen / ende wesen tevreden
maer duer ghestadicheyt / en macht niet zyn
ick en canse niet vergheten Want ghelyck den Robyn
haer lipkens / eenpaerich an haeren mondt // blaecken
25 zou mach my doen steruen / oft oock ghezondt // maecken
Der liefster die vp my doet desen druck legghen
twelcke zou lettel acht minnaers Loyale
Ick moet verdraeghen danck wil ick tgheluck // zegghen
haer schynck ick myn herte int speciale
30 want van ghepeynsen dalder huterste pale
es vul van zoetheden ende Reyne vigueren
maer die van binnen wel kende myn zale
hy en vonder niet inne dan allendeghe Cueren
zuchten claeghen / zonder troost Beroerlick trueren
+
stenen Caermen / om Vruecht tontbeerne
maer zulck alst es / ick gheeft haer gheerne
Voort elcken minnaere die zonder veynsen
ghetrauwelick mint / die wil Ick oock schyncken
5 dat hy weten zal / alle zyns liefs ghepeynsen
die zou in daeghen ofte weken mach dyncken
noch alle ioncvrauwen / om tsdrucx ontflyncken
die in minnen eenpaerich perseuereren
end vpder liefste haer troosteghe oogskens quyncken
10 die moet ick een ghifte / oock ordonneren
den zangh vanden nachtegale die Conforteren
(can druckeghe zinnen / zy in velden of straeten)
die schynck Ick hemlieden tot haerer baeten
Zo Wat minnaer met envie schimp of discoort // leift
15 ialousye twyfle of Wanhope vileyn
ende al dat Reyne minne ghestoort // heeft
Ban ick eeuwich huut haeren ooghen Certeyn
Eduard de Dene, Testament rhetoricael
+ 315 v