download - Rene van Maarsseveen

255
zyn eerbaer schamele ende Reyn van herten
vyndt ghy contrarie zyn vermaen
En ghy / hem ghelooft / ghy comt in smerten
Dandre
35 Voorvvaer ken Can * my niet ghebreken
therte es te zeere Tot hem gheneghen
+
zyn ghaen zyn keeren zyn zien zyn spreken
schynt vul van liefden Tot my ghesleghen
zyn zuchten zyn stenen / zyn zulcdaen pleghen
ende zomtyds wat moys te gheuene my
5 zyn schoon ghelaet dit moet ick weghen
Certeyn ick bemder bedroghen by
Deene
Een maeght die ghifte gheeft die biedt // haer
een maeght die ghifte neimt vercoopt // haer
10 een maeght die schuwen wille verdriet // zwaer
en zal nemen noch gheuen hoe dat mer loopt // naer
een maeght die anders doet / die stroopt // haer
in tstreck van lydene in tspot der Lieden
een maeght die gheerne An eere Cnoopt // haer
15 en zal ghifte nemen noch ghifte Bieden
Dandre
Onnooselheyt ende gheen mesdaet bewaenen
doet dicwils doen twaere beter ghelaeten
Ick dancke hu het duechdelick vermaenen
20 alle wyse maegdekens zoudent vaeten
Maer een dynck dyncke my buter maeten
ende daer Ick in twyfele nacht ende dach
dat es dat hy zouct Listen en gaeten
my alleene / te sprekene / waer dat hy mach
25
Deene
Schuut dat / of claerlick ghy comt in tnet
alsoo dyna / iacobs dochtere dede
de welcke van Sychem was besmet
duer twandelen zonder voorzienichede
* ‘Can’: ‘C’ over ‘m’.
Eduard de Dene, Testament rhetoricael
+ 297 v