download - Rene van Maarsseveen

Iaerghetyde ende bezet
52
Gheen Iaerghetyden begheer ick noch eenich beset
voor dat doude besetten / eerst zyn ghedaen
end oock houd ick my An tghemeene ghebed
20 zo wordter zonder dienst / Noodt gheen capellaen
Tsterck ghelooue doet de menssche ouer twater ghaen
en duer een vier zaen
Crunelettre
Dats waer * // bey twaer goet datment zoo // wiste
25 myn Cruunlettre Light in een lere Custode
doch datmense slute me in myn dookiste
machse my helpen als ick comme voor gode
wat beters? als icxse me draeghe als bode
Pardoenbriefuen
30 Van pardoenbriefuen doe ick te wetene
hebbende macht om verlossen huut dhelle.
+
en tontbyndene / huut des vagheuiers kethene
inde vasten vleesch bueter eyers mueghen tetene
zultter niet een vynden zoo ick telle
Verslytinghe van schoen / om der naer te loopene
5 vermochte mynen staet niet Ick vertelt
al had icxse oock weten / tmywaerts te hoopene
Noyndt en vand icker toe ghoet ghelt
ken hebber oock niet iuuste / tbetrau vp ghestelt
Wat zoud ick oock dordonnantien der heligher kercken
10 eenichsins Laetten alsoo alterneren
die wel doet hem volghen weldaets wercken
tghelt doetter vele dolen in tsweerelts percken
Onder tschyn van duechden veel zonden passeren
Prochiepape
15 Nu naer oude testamentelicke manieren
myn prochiepape zoud ick gheerne beghauen
maer wat weet ic / hoe ick my noch mochte Regneren
of my een van dander drie elementen schoffieren
Zo en weet ick niet / Waer ick mach worden begrauen
* Oorspronkelijk ‘was’; ‘as’ is doorgehaald en ‘aer’ is erboven geschreven.
Eduard de Dene, Testament rhetoricael
+ 13 v