download - Rene van Maarsseveen

232
++ om huer vleeschlick gheliefuen hy hem alsoo quyte
midswelcken naermaels vele zyn commen In plaeghen
Phyllis ontzint / verhyngh haer zonder vertraeghen
Isiphile versmoorde / Dydo bleef te Brande
5 Aminthas verdweinde duer tderfuen in zyn daeghen
van dyana zyn liefste lief doe binden Lande
Troylus liet inden strydt zyn manlick lyf te pande
Orpheus zochte zyn lief in dhelle diligent
Semiramis buten nathuerlicken verstande
10 ontziende gheen schande
verliefde vp haer kyndt / met een vleeschlick consent
venus ende den wyn / maecken wijse verblendt
gheel berooft int verstandt word hy diese beminne
dies zo es ouer de gheheele weerelt Bekent
15 en zal zyn totten hendt
Vrau Venus der vleesschelicker liefde goddinne etc a .
Prinche
Veel oncuussche ghepeynsen brynght zou int ghedochte
zo wie zou inden bandt huerer liefden eens Cnochte
20 noyndt Lichte ontRochte
hy wierdt hendelick tzynder schoffiericheyt ghequelt
venus was die onCuussche practycken oyndt zochte
die eerst int eylandt van Cypers inbrochte
dat de maegden metten Lichame daer wonnen ghelt
25 de indoysen onEerlick openbaer int velt
hebben metten mannen onCuusschelick verkeert
die van Trachyen ymaginatien * voortstelt
end in onCuuscheyt veel Leelicheden gheleert
de Agathyrsen in Lasciuien oock vermeert
30 de Araboysen thanthierene ghemeene vrauwen
dat ondre andre mensschen natuere wordt ontEert
duer gheCorrumpeirde minne Cant venus brauwen
hueren brandt es ontsteken in alle Landauwen
elck zouctse te clokeren onder den kinne
35 gheestlick weerlick oud ionck / eer tmach beRauwen
+
yeghelick wachtes hem wiltse niet betrauwen
Vrau Venus der vleesschelicker liefde goddinne
die ouer al vlieght
+ Fol. 284 v, r. 3-9, 23, 25, 27 (alle namen, behalve 4 ‘Dydo’) onderstreept.
* Vóór ‘ymaginatien’ ‘i’ geschrapt.
Eduard de Dene, Testament rhetoricael
+ 284 v
+ 285 r