download - Rene van Maarsseveen

231
++
gheen verkieseghe tspersoons Venus biedse al tlyf
dies maect menich ketyf
voortstellende onCuusschelicke Petulantie
anziende gheen wettelicke ordonnantie
5 maer helpt vulbrynghen / zoo zou theeft inden zinne
dies mach zou wel ghenaemt zyn / naer haer vsancie
snoo contenancie
Vrau Venus der vleeschelicker liefde goddinne
die ouer al vlieght
10 met een zoet venyn // onder een vriendelick schyn
Gheel de Weerelt bedrieght
Tvvee duuekens voert venus in huer Banieren
zoo de duufkens becken / gheerne zouctze tvertieren
veel lacke Camerieren
15 zyn huer subiect vleeschlick volghende naer
onverzadeghe grondquelm / ghulsegher dan ghieren
als zou teenegher tryumphen / huer wil verchieren
van twee witte zwanen word ghevoert aldaer
in teecken dat zou meest verwect es / dats claer
20 tot alle schoone Mannelicke personnaidgen
den boom Myrthus bemintse te ziene vruchtbaer
in huer pryeel gheplant thuerer aduantaigen
wiens Roke inflammeirt end ontsteict de Couraigen
tot alle voluptueuse delectatien
25 Biblis heeft dies ghetrocken onder huere gaidgen
willich zonder oultraigen
met huer broeder thebben vleeschlicke conuersatien
Pasiphae doncuuschte van vrauwen natien
om vulbrynghen tsvleeschs ghenouchte huer * de sluten inne
30 Een ghemaecte houttin coe ** / dies blyft talder spatien
vul onReyne gratien
Vrau Venus der vleesschelicker liefde goddinne etc a /
Dies Venus met hueren vleeschlicken Apetyte
heefter menich bedroghen ghebrocht ten verwyte
35 den hermophrodite
mercurius maecte om huer vleeschlick behaeghen
Butes wan Erix oock thuere lusts proffyte
+ Fol. 284 r, r. 25 ‘Biblis’, 28 ‘Pasiphae’, 33 ‘Venus’, 35 ‘hermophrodite’, 36 ‘mercurius’, 37
‘Butes’, ‘Erix’ onderstreept.
* ‘huer’ is met grijzere inkt interlineair toegevoegd.
** ‘binnen in een stier’: doorgehaald en met grijzere inkt (als r. 29 ‘huer’) boven geschreven:
‘Een ghemaecte houttin coe’.
Eduard de Dene, Testament rhetoricael
+ 284 r