download - Rene van Maarsseveen

25 Dhertoghe dranck al huter schaelen
waer of hy lauenesse ontfynck
daer naer Liet hy inden wyn daelen
een alfuen schoonen vyngherlyngh
hy verzochte anden Ionghelyngh
30 dat hyse der bruud draeghen zoude
zou was ghemaect van fynen goude
Doe dhertoghinne den Rynck zach
die den ionghelyngh huer quam draeghen
versaeght beRoert / meer dan zou plach
35 stack omme den tafel ende scraeghen
+
totten hertoghe / Es zou vpgheresen
end als hueren man Vriendschap bewesen
Dhertoghe die toogde oock zyn eere
alle zwaermoedicheyt hy verghat
5 vvant hy ghaf den Ionghen heere
die zyn wyf zoude hebben ghehadt
zyn eeghin dochtre / ende bouen dat
goeds ghenough ghaf hy der mede
Thuerer Ruste ende paeyselichede
222
10 Dhertoghe ghecreegh zyn landt en wyf
elck was verwondert daer zynde verghaert
ghezaemdelick Leefden voorts zonder ghekyf
zyn vromicheyt wierd zeer verre vermaert
van alle man Eere gheopenbaert
15 Langhe wyle daer naer starf hy
den Leeu die bleef hem altyds by
In een tombe wierd hy begrauen
der bouen hyngh vueghelgryps claeu en tzweerd
den leeu en wilde van daer niet drauen
20 vp tgraf te blyfuene heeft hij begheerd
zyn meesters doodt heeft hem ghedeerd
vvant at noch dranck van Rauwe groot
naer tshertoghen zyns meesters doodt
Dhertoghe van bruunswyck tzyn claere zaecken
25 begheerde voor zyn doodt een Bede
datmen een Pyroon zoude maecken
ende stellen inde middel vander stede
en daer vp zetten tzynder ghedachtichede
eennen Leeu vp dat Fyne // was
30 van goude zo groot / als de zyne // was
Eduard de Dene, Testament rhetoricael
+ 279 r