download - Rene van Maarsseveen

219
dat * hem de benautheyt van zyn volck deerde +
15 zyn cnaepe deedhy zyn peerdt villen
en liet hem der in naeyen / zoo hyt begheerde
hier in lach hy ghewapent / met zynen zweerde
alsoo verbeydende goe Aventhuere
Tzoete mocht commen / docht hy naer tzuere /
20 Inde zee dryfuende mast cabels bezweken +
veel daeghen victaelge faelgierde ter nood
dies moesten de peerden den hals of steken
ende aeten tvleesch van honghere groot
tempeestich Lydende veel wederstoot
25 in duusentich periclen vul ancxst en ducht
anders niet ziende dan zeewaeter en Lucht /
Zulcke ancxst ende vreese had hy noyndt gheploghen
tschip bedarf om zyncken inden grondt
Een vueghelgryp die quammer ghevloghen
30 die den hertoghe greep ter stondt
alsoo hy int vel lach ghenaeyt ghezondt
end heeft hem ghevoert / huut dat passaige
in een vreimdt landt / vul wilder busschaidge
Als hem den vueghelgryp daer brochte
35 zyn zweerd lach met hem int vel ghenaeyt
met grootter subtylheyt hy huutgherochte
hem ziende / de vueghelgryp wierdt ontpaeyt /
+
daer Ieghens te strydene / was hy verfraeyt
ende heeft daer clouck zonder verflauwen
vueghelgryps Rechter claeu ofghehauwen
De vueghelgryp vervloogh thueren onghemaecke
5 dhertoghe doe zynde int busch Alleene
hy zach een leeu vechten Ieghens een draecke
die fellick groot was / de Leeu te cleene
dies hielp hy den leeu / daer huten weene
ende dhertoghe / naer zyn Ridderlick pleghen
10 heeft daer die felle draecke versleghen
De leeu zynde verlost huut die tempeesten
quam totten hertoghe ghedwee en vry
hem tooghende alle toufzaemeghe feesten
waer dat hy ghynck den leeu bleef hem by
15 hoe Langhe dat int busch was hy
* ‘dat’: ‘t’ over ‘n’.
Eduard de Dene, Testament rhetoricael
+ .B.
+ .A.
+ 277 v