download - Rene van Maarsseveen

215
want / indignatie
spruut // huut // tsghelyckens negatyf
Diffamatyf
Ick en vveet wie meest / mint / Man of wyf /
Aucteur
+
An tlyf gheheuen // den buuck ghewreuen
in tlenden zweet
zulcdaenich hanthieren // Zietmen faelgieren
Eer datment weet //
Refereyn
Naer dien dat god / die heere almachtich +
hadde den menssche ghescepen Crachtich
en stelde int paradys * der wellusticheden
5 ten es niet goet / zoo sprack hy warachtich
dat de menssche zy alleene in tsweerelts steden
Laet ons hem maecken / een hulpe der vreden
ende god themmerde / doe ten beghinne
Een wyf vander Rebbe / van adams leden
10 twelcke wyf / was gheheeten Manninne
om dat zou vanden man was ghecommen inne
daeromme zal een man vader moeder verlaeten
ende an zyn wyf houden / met vieregher minne
en twee in een vleesch zyn / tot behulpeghe baeten
15 dies zegh ick tdeser daeten // zoot dheere voorzach
Tvvyf zou de man best derfuen / dan de man twyf mach.
Die mensschen leuende in tsweerelts breeden
mueghen vanden wyfue niet zyn verscheeden +
maer met alder neersticheyt / die themwaerts brynghen
20 vvaert dat een man goud en zeluer van Beeden
end oock hadde vergaedert alle schoone dynghen
ende zaeghe een wyf in huer omRynghen
van gheschictheyt end oock van ghedaentten goet
zo zal hyt al verlaeten / duer tswyfs bedwynghen
25 ende zal mercken vp haer Reyn wesen vroedt
en anschauvvense / met openen monde zoet
ende zalse meer themwaerts Locken der by
dan goud ende zeluer / dwelck nochtans veel doet
en dan eenich costelick dynck wat het zy
30 Dies segh ick vry // om van vrauwen doen gheclagh
Tvvyf zou de man best derfuen / dan de man twyf mach.
* ‘paradys’: tweede ‘a’ over ‘e’.
Eduard de Dene, Testament rhetoricael
+
275 r
+ Genesi .2.
+ .3. esdre .4.