download - Rene van Maarsseveen

49
want heere ghy hebt my Noyndt * gheloghen
maer tzelfde belydende thuwaerts fleeuwich
25 waert oyndt myn hulpe / dies betrauwende Leeuwich
Thuwaerts spreeck ick / metter herten knyen gheboghen
Refereyn
Heere god die zyt myn sterckheyt ick moet hu beminnen
myn verlosser myn vasticheyt ende toevlucht
30 die oock zyt / twelck ick kenne met herte met zinnen
+
vp dat ghy tgheslachte des mensschen mocht winnen
en tsvyands cracht dinnen
der bloedegher Crucen boom zalichste vrucht
Al wat ghy wildet doen in hemel eerde lucht
5 inde zee / end in alle diepgrondeghe gronden
dat hebt ghy ghedaen / en vougsaemich gheplucht
vvant wat ghy oyndt daet / was wel ghedaen bevonden
alle dynck / es hu oock mueghelick tallen stonden
en gheen macht en esser / dan van hu god alleene
10 die ons brooscheyt kendt / en vergheeft onse zonden
duer hu name iesu christe van nasareene
ende / dat ghy dies vermueght ick woormken cleene
betrauwes my / die noch in deerdsche ste // gha
dies houd ick hu te zyne int dal van weene
15 Spes mea deus / A iuuentute mea
God ghenaedich wien myn herte dancbaricheyt biedt
ghy en hebt doch ghezonden alsoo wy lesen
Christum huwen eeghin zuene inder weerelt / niet
vp dat hy zoude / de weerelt verdommen ziet
20 maer ghenadelick gheschiet
vp dat de weerelt duer hem zou behouden wesen
oock es ghecommen de zuene des mensschen ghepresen
om behouden / tvvelcke was verloren aldaer
en heeft ons huut grooter liefden ter causen van desen
25 Reyn ghewasschen van ons zonden in zyn bloedt voorwaer
in hem leuen wy / Roeren / en zyn in hem dats * claer
heere god die gheen lust hebt in ons bederfuen
naer onweder / maect datter volght stillicheyt naer
en naer weenynghen / doet ghy verhueghen verwerfuen
30 gheeft my tydt en vermueghen in tsweerelts erfuen
om tRedenlick vuldoen / wien dat ick oynd de // scha
dat bid ick hu / Want ghy zyt tot ick zal sterfuen
Spes mea domine / A iuuentute mea
* ‘niet gh’ is doorgehaald; ‘Noyndt’ erna geschreven.
* Oorspronkelijk ‘voorwaer’, dat doorgehaald is; ‘dats’ is erboven geschreven.
Eduard de Dene, Testament rhetoricael
+ 11 v